The news is by your side.

Advertisement

کراچی : ایک اور سرکاری افسر قتل : ٹارگٹ کلر کے ڈی اے ملآزم کو گولیاں مار کر فرار

کراچی : شہر قائد میں ایک اور سرکاری افسر دن دہاڑے قتل ہوگیا، پی ای سی ایچ سوسائٹی میں مسلح ملزمان نے چلتی ہوئی کار پر گولیاں برسادیں، کے ڈی اے کا ملازم موقع پر ہی دم توڑ گیا۔

تفصیلات کے مطابق کراچی کے شہری ایک بار پھر ٹارگٹ کلرز کے نشانے پر آگئے، ناملوم موٹر سائیکل سواروں نے ایک اور سرکاری افسر کو دن دہاڑے قتل کردیا۔

کراچی کے پوش علاقے پی ای سی ایچ ایس بلاک ٹو میں مسلح افراد نے چلتی گاڑی پر گولیاں برسادیں، گاڑی میں موجود کراچی ڈویلپمنٹ اتھارٹی ( کے ڈی اے) کا گریڈ پندرہ کا افسر محمد علی شاہ موقع پر ہی جان سے ہاتھ دھو بیٹھا۔

پولیس کو جائے وقوعہ سے تیس بور پستول کا ایک خول ملا ہے جبکہ مزید شواہد اکھٹے کیے جارہے ہیں، ابتدائی تفتیش میں پولیس نے واقعہ کو ذاتی دشمنی قرار دیا۔

مزید پڑھیں : کراچی، سی ٹی ڈی کی کارروائی، کالعدم ٹی ٹی پی کا ٹارگٹ کلر نعیم باجوڑی گرفتار

ملزمان کے فرار ہونے کی سی سی ٹی وی فوٹیج بھی سامنے آگئی، تاہم سی سی ٹی وی فوٹیج سے بھی موٹر سائیکل پر سوار ٹارگٹ کلرز کی شناخت ممکن نہ ہوسکی۔

Comments

comments

یہ بھی پڑھیں