The news is by your side.

Advertisement

کہا گیانوازشریف اوربےنظیرکومیں نےوزیراعظم بنایا،گورنرپنجاب

گورنر پنجاب چوہدری محمد سرور نے کہا ہے کہ ملک میں مہنگائی ہے اور غریب آدمی پس رہا ہے لیکن احساس پروگرام سے غریبوں کو ریلیف دیا گیا ہے۔

اے آر وائی نیوز کے پروگرام’اعتراض ہے‘ میں گفتگو کرتے ہوئے چوہدری سرور کا کہنا تھا کہ مسلم لیگ چھوڑ کر تحریک انصاف آیا، پارٹی کے لیے دن رات محنت کی، ڈکٹیٹر شپ کے خلاف جدوجہد میں شامل رہا۔

ان کا مزید کہنا تھا کہ میں ہمیشہ سے ہی مفاہمت کا حامی رہا ہوں، پارٹی میں کھل کر اپنی رائے دیتا ہوں اور سمجھتا ہوں کہ پارٹی میں ہونے والی بحث کو میڈیا میں نہیں لانا چاہیے۔

گورنر پنجاب نے کہا کہ تحریک انصاف کو لوگوں نے 2023 تک کے لیے ووٹ دیا ہے، ہماری حکومت نے صحت کارڈ کی شکل میں بڑا کام کیا ہے۔

انہوں نے کہا کہ الیکشن سارے ہی مشکل ہوتے ہیں، 2018 کا الیکشن بھی مشکل تھا اور آنے والا 2023 کا الیکشن بھی مشکل ہوگا، اپوزیشن اورحکومت مل کربیٹھے تاکہ اگلے الیکشن شفاف ہوں۔

چوہدری محمد سرور نے دعویٰ کیا کہ میں نے بینظیر بھٹو کو کامیاب کرنے کے لیے ان کا بہت ساتھ دیا انہیں وطن واپسی میں مدد کی، جب کہ 2013کی انتخابی مہم میں کام کرکے نوازشریف کو کامیاب کرایا تھا۔

انہوں نے کہا کہ جب سے ن لیگ کو چھوڑا ہے شریف فیملی سے کوئی رابطہ نہیں تاہم ن لیگ اور پیپلز پارٹی کے بہت سے رہنماؤں سے اچھے تعلقات ہیں۔

چوہدری سرور نے وزیراعلیٰ پنجاب کی کارکردگی پر اطمینان کا اظہار کرتے ہوئے کہا کہ وہ عثمان بزدار کی کارکردگی سے مطمئن ہیں۔

Comments

یہ بھی پڑھیں