گورنر ہاؤس کو بچوں کے لیے کھولیں گے، گورنر سندھ عمران اسماعیل imran ismail
The news is by your side.

Advertisement

گورنر ہاؤس کو بچوں کے لیے کھولیں گے، گورنر سندھ عمران اسماعیل

کراچی: گورنر سندھ عمران اسماعیل نے کہا ہے کہ گورنر ہاؤس کو بچوں کے لیے کھولیں گے، ایک ٹور آپریٹر ساتھ ہوگا، پورا گورنر ہاؤس گھوم سکتے ہیں۔

تفصیلات کے مطابق گورنر سندھ عمران اسماعیل نے کہا ہے کہ وزیراعظم عمران خان کے گورنر ہاؤس سے متعلق فیصلے پر عملدرآمد کریں گے، گورنر ہاؤس کا گیٹ ون عام پبلک کے لیے کھول رہے ہیں۔

گورنر سندھ نے کہا کہ گورنر ہاؤس میں فیملی کو داخلے کی اجازت دیں گے، پارک میں گھومیں پھریں، داخلہ مفت ہوگا، فیملیز قائد اعظم روم بھی باہر سے دیکھ سکیں گے، فیملیز یہاں آئیں، تصاویر بنائیں، گورنر ہاؤس کا گائیڈیڈ ٹور کرسکتے ہیں۔

عمران اسماعیل نے کہا کہ یہ ایک تاریخی اثاثہ ہے، پبلک انٹرسٹ کے لیے وہ آئیں اور سیکھیں جبکہ وزیر اعظم عمران خان 15 یا 16 ستمبر کو کراچی کا دورہ کریں گے، کراچی کے پروگرام تیار کرلیے وزیر اعظم ان کا اعلان کریں گے۔

مزید پڑھیں: کراچی میں جدید سہولیات کی فراہمی حکومت کی اولین ترجیح ہے، عمران اسماعیل

واضح رہے کہ گورنر سندھ کا کہنا تھا کہ کراچی کی ترقی و خوشحالی کے لیے کاوشیں کرنا ہم سب کی ذمہ داری ہے، شہر قائد میں جدید سہولتوں کی فراہمی حکومت کی اولین ترجیح ہے، عمران خان کراچی کی ترقی و خوشحالی کے لیے دلچسپی رکھتے ہیں۔

ان کا کہنا تھا کہ کراچی کے مسائل کے حل کیلئے اقدامات کرنا وقت کی اہم ضرورت ہے، شہر کے مسائل کے حل کیلئے وفاقی حکومت بھرپور تعاون کرے گی، سندھ کے عوام کو موجودہ حکومت سے بڑی توقعات وابستہ ہیں، وفاقی حکومت عوام کے اس اعتماد پر ہر صورت پورا اترے گی۔

Comments

comments

یہ بھی پڑھیں