اسلام آباد : حکومت نے سالانہ اربوں روپے کے گیس نقصانات روکنے کے لئے ملک بھر میں ٹی بی ایس میٹرز لگانے کا فیصلہ کرلیا۔
تفصیلات کے مطابق وزیرمملکت پٹرولیم مصدق ملک نے غیر رسمی بات چیت کرتے ہوئے بتایا کہ سالانہ اربوں روپے کے گیس نقصانات روکنے کے لئے حکومتی عملی تیار کرلی ہے۔
ملک بھرمیں گیس فراہمی کے مرکزی مقامات پر ٹی بی ایس میٹرز لگانے کا فیصلہ کیا گیا ہے، وزیرمملکت پٹرولیم نے کہا کہ 3 سے 4 ماہ میں تمام قصبوں کے باہر ٹی بی ایس میٹرز لگ جائیں گے۔
وزیرمملکت پٹرولیم کا کہنا تھا کہ یہ گیس میٹرزگیس کی طلب ورسدکی پیمائش دیں گے، اس بنیاد پر گیس کی طلب و رسد اور نفع نقصان کا بھی تعین کیا جائے گا۔
مصدق ملک نے کہا کہ ٹی بی ایس کے ذریعے افسران کابھی احتساب کیاجائے گا، حکومت کا پٹرولیم مصنوعات پر فی الحال سیلز ٹیکس لگانے کامنصوبہ نہیں، عوام پر اضافی بوجھ نہ ڈالنے کیلئے لیوی میں مرحلہ وار اضافہ کر رہے ہیں۔
