The news is by your side.

Advertisement

خاتون اول کی خصوصی دلچسپی کے باعث جی سی یو میں ترقیاتی منصوبوں کا آغاز

لاہور: خاتون اول بشریٰ عمران کی خصوصی دلچسپی کے نتیجے میں پاکستان کی سب سے قدیم اور معتبر درسگاہ گورنمنٹ کالج یونیورسٹی لاہور کے لئے بڑے ترقیاتی منصوبے شروع کرنے کا فیصلہ کیا گیا ہے۔

تفصیلات کے مطابق گورنمنٹ کالج یونیورسٹی لاہور میں 1.84 بلین کی رقم سے چار ترقیاتی منصوبوں کا آغاز کا فیصلہ کیا گیا ہے، اس سلسلے میں پنجاب حکومت جی سی یو میں گرلز ہاسٹل، سوئمنگ پول اور صوفزم سینٹر کے قیام کے لئے فنڈز فراہم کریگی،تینوں منصوبے بجٹ دستاویز میں پنجاب کے سالانہ ترقیاتی پروگرام کا حصہ ہیں۔

وفاقی حکومت کی جانب سے بھی جی سی یونیورسٹی کے نئے کیمس کے فیز- ٹو کے لئے 1158 ملین دے گی، مالی سال 2021-22 میں ان منصوبوں کے آغاز کے لئے بجٹ دستاویز ات میں 410 ملین روپے مختص کیئے گئے جس میں 143ملین روپے سے جی سی یو میں شیخ ابوالحسن اشھدلی تصوف، سائنس اینڈٹیکنالوجی سینٹر قائم کیا جائے گاجبکہ سوئمنگ پول پر 100ملین اور گرلز ہاسٹل پر 440ملین روپے کی لاگت آئے گی۔

وائس چانسلرپروفیسر ڈاکٹر اصغر زیدی کا کہنا تھا کہ جی سی یو پاکستان میں اعلی تعلیم حاصل کرنے کی سب سے قدیم اور معتبر درسگاہ ہے اور سابقہ حکومتوں کی جانب سے جی سی یو کو نظرانداز کیا جاتا رہا ہے۔چند سو کیلئے تعمیر کردہ کیمپس میں 14ہزار طلبا زیر تعلیم ہیں۔

ان کا مزید کہنا تھا کہ پاکستان بھر سے طالبات اعلی تعلیم حاصل کرنے کے لئے جی سی یو آتی ہیں لیکن بدقسمتی سے دو سو کی گنجائش والا صرف ایک ہاسٹل ہے، اب سائنس بلاک میں تین سو سے زائد طلبا کی گنجائش والا چار منزلہ ہاسٹل تعمیر کیا جائے گا۔

پروفیسر زیدی کا کہنا تھا کہ جی سی یو انٹر کالج اور انٹر یونیورسٹی سوئمنگ چیمپین شپ کا فاتح ہے، لیکن ہمارے طلبا کو سوئمنگ پول کی سہولت میسر نہیں ہے، وائس چانسلر کا کہنا تھا کہ جی سی یو میں صوفی سینٹر پاکستان کی خاتون اول محترمہ بشری عمران کا اہم اقدام ہے۔

Comments

یہ بھی پڑھیں