The news is by your side.

Advertisement

حکومت کا اپوزیشن کی ریکوزیشن پر قومی اسمبلی کا اجلاس بلانے کا فیصلہ

اسلام آباد : حکومت نے اپوزیشن کی ریکوزیشن پر قومی اسمبلی کا اجلاس بلانے کا فیصلہ کرلیا ، اسپیکر قومی اسمبلی کا کہنا ہے کہ اسمبلی میں قانون سازی اور قومی اہمیت کےمسائل کو زیر بحث لایا جائے گا۔

تفصیلات کے مطابق اسپیکر قومی اسمبلی اسدقیصر سے مشیرپارلیمانی امور بابراعوان کی ملاقات ہوئی ، ملاقات میں قانون سازی ،قومی اہمیت کے حامل اہم امور زیر بحث آئے۔

دوران ملاقات اپوزیشن کی ریکوزیشن پر قومی اسمبلی کااجلاس بلانے کا فیصلہ کرتے ہوئے ایوان کی کارروائی اسمبلی قواعد و ضوابط کے مطابق چلانے پر اتفاق کیا گیا۔

اسپیکر اسد قیصر نے کہا ایوان میں ہنگامہ آرائی نہ جمہوریت کی خدمت ہے نہ عوام کی، اسمبلی میں قانون سازی،قومی اہمیت کےمسائل کو زیر بحث لایا جائے گا۔

اسد قیصر کا کہنا تھا کہ عوام کی نظریں منتخب نمائندو ں کی طرف لگی ہوئی ہیں ، منتخب نمائندےموثراندازمیں عوامی مسائل کا حل تجویز کر سکتے ہیں۔

مشیرپارلیمانی امور بابراعوان نے کہا ایوان کی کارروائی موثر انداز سے چلانے پر اسپیکر کا کردار قابل تحسین ہے، اجلاس میں ہمیشہ حزب اقتدار ،حزب اختلاف کوبرابرموقع فراہم کیا گیا ،بابر اعوان

بابراعوان کا کہنا تھا کہ امید ہے ارکان اسمبلی آئندہ اجلاس میں قواعد و ضوابط کو ملحوض خاطر رکھیں گے اور ارکان ایوان کی کارروائی ساز گارماحول میں چلانے کیلئےکردار ادا کریں گے۔

Comments

یہ بھی پڑھیں