The news is by your side.

Advertisement

کورونا کی روک تھام، ٹائیگر فورس میں رجسٹر طبی عملے کی خدمات حاصل کرنے کا فیصلہ

اسلام آباد : کورونا وائرس کی روک تھام کے لیے ٹائیگر فورس میں رجسٹر طبی عملے کی خدمات حاصل کرنے کا فیصلہ کرلیا اور کہا شعبہ طب سےوابستہ 10 ہزار سے زائدافراد کو فوری میدان میں اتارا جائے گا۔

تفصیلات کے مطابق کورونا وائرس کی روک تھام کے لیےنیشنل کمانڈ اینڈ آپریشن سینٹرمیں اہم اجلاس ہوا،جس میں وفاقی وزرا،سول اور عسکری اداروں کے حکام شریک ہوئے۔

اجلاس میں رزاق داؤد,حماد اظہر اور عثمان ڈار نے اہم معاملات پر بریفنگ دی اور شرکا نے ٹائیگر فورس میں رجسٹر طبی عملے کی خدمات حاصل کرنے کا فیصلہ کرلیا اور کہا شعبہ طب سےوابستہ 10 ہزار سے زائدافراد کو فوری میدان میں اتارا جائے گا۔

نیشنل کمانڈاینڈآپریشن سینٹر تربیت یافتہ طبی افراد کو تمام صوبوں میں بھیجے گا، عثمان ڈار سےمزیدڈاکٹراورپیرا میڈکس کو رجسٹر کرنے کی درخواست کی اور کہا رجسٹرافراد سےکورونا کے خلاف طبی صلاحیت میں اضافہ ممکن ہو سکے گا۔

عثمان ڈار نے بتایا کہ مختلف شعبوں سے تعلق رکھنے والے ساڑھے 8 لاکھ افرادرجسٹرہو چکےہیں، پہلےمرحلے میں ڈاکٹروں اور طب سےوابستہ افرادکی خدمات حاصل کریں گے،عثمان ڈار

معاون خصوصی نے کہا کہ رجسٹریشن جاری ہے، مزید ڈاکٹراور میڈیکل فیلڈ کےنوجوان رجسٹریشن کرائیں، رجسٹر نوجوانوں کو وفاقی حکومت کےتعاون سےذمےداریاں سونپی جائیں گی۔

fb-share-icon0
Tweet 20

Comments

comments

یہ بھی پڑھیں