The news is by your side.

Advertisement

حکومت کا لوکل کوروناویکسین کی پیداوار بڑھانے کا فیصلہ

اسلام آباد: حکومت نے لوکل کوروناویکسین کی پیداوار بڑھانے کا فیصلہ کرلیا، آئندہ ماہ سے پاک ویک ویکسین کی بڑے پیمانے پر تیاری کا آغاز ہوگا۔

ذرائع کے مطابق این آئی ایچ پاک ویک ویکسین کی ماہانہ30لاکھ ڈوز تیار کرے گا، این آئی ایچ نےحکومت کو پیداوار بڑھانے کے فیصلے سےآگاہ کردیا، پاک ویک کی پیداوار بڑھانے کا فیصلہ اضافی طلب کے پیش نظر ہوا۔

اس حوالے سے ذرایع نے کہا ہے کہ ماہانہ30لاکھ ڈوز کی تیاری سے ویکسین دستیابی میں سہولت ہوگی۔

یہ بھی بتایا گیا ہے کہ پاک ویک تیاری کے لیے خام مال چینی کمپنی کین سائینوفراہم کرے گی، پاکستان نےکین سائینو سے 2کروڑ ڈوز تیار اور خام مال کی خریداری کی۔

ویکسین سے متعلق ذرایع کا مزید کہنا تھا کہ حکومت پاک ویک کی تیاری کے لیے کین سائینوسےمزیدخام مال خریدے گی، قومی ادارہ صحت میں تیارشدہ پاک ویک کورونا ویکسین سنگل ڈوز ہے۔

Comments

یہ بھی پڑھیں