اسلام آباد : حکومت نے چیئرمین نیب جاویداقبال کو عہدے سے ہٹانے کا فیصلہ کرلیا ، جاویداقبال کو تکنیکی بنیاد پر ہٹایا جائے گا۔
تفصیلات کے مطابق حکومت نے تکنیکی بنیاد پر چیئرمین نیب جاوید اقبال کو عہدے سے ہٹانے کا فیصلہ کرلیا ہے۔
2جون کو نیب ترمیمی آرڈیننس کی میعاد ختم ہو رہی ہے ، آرڈیننس میں اگلے چیئرمین نیب کی تعیناتی تک کام جاری رکھنے کی شق شامل تھی۔
ذرائع کا کہنا ہے کہ آرڈیننس ختم ہوگا تو موجودہ چیئرمین عہدے پر برقرار نہیں رہ سکےگا۔
موجودہ حکومت پی ٹی آئی دور کےآرڈیننس کی اسمبلی سے منظوری نہیں کرائے گی کیونکہ وہ خود اصلاحات کا پیکج لانے جا رہی ہے۔
