The news is by your side.

Advertisement

ووٹنگ کیلیے اوورسیز پاکستانیوں کی رجسٹریشن شروع کرنے کا فیصلہ

اسلام آباد: حکومت نے سمندر پار پاکستانیوں کو ووٹنگ کا حق دینے کے لیے رجسٹریشن کا عمل شروع کرنے کا فیصلہ کیا ہے۔

تفصیلات کے مطابق اوورسیز پاکستانیوں کو ووٹنگ کا حق دینے کیلئے ایک بار پھر کوششیں تیز کر دی گئیں، بیرون ملک پاکستانیوں کو ووٹ کا حق دلوانے کیلئے اہم اجلاس ہوا جس میں مشیر پارلیمانی امور بابر اعوان، معاون خصوصی برائے اوورسیز زلفی بخاری،چئیر مین نادرا، ڈی جی آئی ٹی الیکشن کمیشن اور سیکرٹری پارلیمانی امور نےشرکت کی۔

اجلاس میں بیرون ملک پاکستانیوں کی ووٹنگ کے طریقہ کار اور سہولیات کا جائزہ لیا گیا اور اوورسیز پاکستانیوں کی رجسٹریشن فوری شروع کرنے کا فیصلہ کیا گیا۔

رجسٹریشن پاسپورٹ یا نائیکاپ کے ذریعے کی جا سکے گی، الیکشن کمیشن اور نادرا مشترکہ طور پر رجسٹریشن پروگرام کا آغاز کریں گے جب کہ رائے دہی کے عمل کو خفیہ رکھنے کا طریقہ کار بھی طے ہوگا۔

تمام اوورسیز پاکستانیوں کو انتخابی عمل میں شریک بنایا جائے گا اور فیصلوں پر عمل درآمد کیلئے آئندہ ہفتے اجلاس دوبارہ طلب کیا گیا ہے۔

Comments

یہ بھی پڑھیں