اسلام آباد: عوام کے لیے اچھی خبر ہے کہ حکومت نے پیٹرولیم مصنوعات کی قیمتوں میں کمی کااعلان کردیا۔
تفصیلات کے مطابق اوگرا کی جانب سے بھیجی گئی سمری پرحکومت نے پیٹرول کی قیمت میں فی لیٹر25پیسےکمی کردی جس کے بعد پٹرول کی نئی قیمت113روپے99پیسےفی لیٹرمقرر کی گئی ہے.
لائٹ ڈیزل کی قیمت میں2روپے90 پیسےفی لیٹرجب کہ ہائی اسپیڈ ڈیزل کی قیمت میں2روپے40پیسےفی لیٹر کمی کی گئی ہے۔مٹی کےتیل میں فی لیٹر83 پیسے کمی کی گئی ہے۔
وزارت خزانہ نے پیٹرولیم مصنوعات کی قیمتوں میں کمی کا نوٹیفکیشن جاری کردیا ہے جس کے تحت قیمتوں میں کمی کااطلاق رات 12 بجےکے بعد ہوگا۔
اوگرا نے پیٹرولیم منصوعات کی قیمتوں میں کمی کی سمری حکومت کو بھجوادی تھی، پیٹرول کی قیمت میں پچیس پیسےجبکہ ہائی اسپیڈ ڈیزل کی قیمت میں دوروپےچالیس پیسےکمی کی تجویز کی گئی تھی۔
یاد رہے گذشتہ ماہ وزارت خزانہ نے پیٹرولیم مصنوعات کی قیمتوں میں ردوبدل کا نوٹی فکیشن جاری کیا تھا ، جس کے مطابق پیٹرول کی قیمت میں ایک روپے فی لیٹر اضافہ کیا گیا جبکہ لائٹ ڈیزل کی قیمت میں 6 روپے 56 پیسے، مٹی کے تیل کی قیمت میں 2 روپے 39 پیسے کمی کی گئی تھی۔
اس سے قبل ماہ اکتوبر میں حکومت نے پیٹرولیم مصنوعات کی قیمتیں برقرار رکھنے کا فیصلہ کیا تھا ، وزارت خزانہ کا کہنا تھا کہ اکتوبر کے مہینے میں ستمبر کی قیمتیں برقرار رہیں گی تاہم ماہ اکتوبر میں عالمی منڈی میں پیٹرولیم مصنوعات کی قیمتوں میں اضافے کا امکان ظاہر کیا گیا تھا۔
