نئی دہلی: بھارتی ریاست اتر پردیش میں خستہ حال عمارت کے گرنے کے ڈر سے محکمہ پاور ڈویژن کے ملازمین دفتر میں ہیلمٹ لگا کر کام کرنے لگے۔
بھارتی میڈیا رپورٹ کے مطابق الیکٹرک ڈیپارٹمنٹ کے ملازمین پیر کے روز دفتری اوقات میں عوام معاملات ہیلمٹ لگا کر انجام دے رہے تھے، ملازمین کی تصویر سوشل میڈیا پر وائرل ہوئی۔
حیران کن واقعہ اس لیے پیش آیا کہ محکمے کی عمارت خستہ حال ہے جس کے کسی بھی وقت منہدم ہونے کا خدشہ ہے، اسی باعث منتظمین نے کاؤنٹر پر بیٹھنے والے تمام ملازمین کو ہیلمٹ لگا کر دفتری امور انجام دینے کی ہدایت کی تاکہ وہ کسی بھی ناخوشگوار واقعے کی صورت میں محفوظ رہ سکیں۔
ایک ملازم کا کہنا تھا کہ ’’میں عمارت کی یہ حالت گزشتہ دو برس سے دیکھ رہا ہوں، ہم نے متعدد بار حکام کو شکایات کیں مگر ابھی تک کسی نے صورتحال کا نوٹس نہیں لیا‘‘۔
Banda: Employees of electricity dept wear helmets to protect themselves from any untoward incident while working in dilapidated office building. One of the employees says,”It’s the same condition since I joined 2 yrs ago. We’ve written to authorities but there is no response”. pic.twitter.com/S3MYarY6zi
— ANI UP (@ANINewsUP) November 4, 2019
ملازمین کا کہنا تھا کہ انہوں نے اپنی حفاظت کے لیے ہیلمٹ لگائے کیونکہ عمارت کا ملبہ تیزی سے جھڑ رہا ہے۔ بھارتی میڈیا رپورٹ کے مطابق عمارت کا ایک حصہ گزشتہ روز منہدم ہوگیا۔
