The news is by your side.

Advertisement

حکومت نے 5 کمپنیوں کو ماسک برآمد کرنے کی اجازت دیدی

اسلام آباد: وزیراعظم کے معاون خصوصی برائے صحت ڈاکٹر ظفر مرزا نے کہا ہے کہ پاکستان میں اب تک کورونا وائرس ایک شخص سے دوسرے شخص میں منتقل نہیں ہوا جب کہ 5 کمپنیوں کو ماسک برآمدات کرنے کی اجازت دی گئی ہے۔

اے آر وائی نیوز کے پروگرام پاور پلے میں گفتگو کرتے ہوئے ڈاکٹرظفر مرزا نے بتایا کہ بیرون ملک سےآنےوالوں کی اسکریننگ کی جاتی ہے اور مجموعی طور پر ایئرپورٹس پر88ہزار افراد کی چیکنگ کی گئی۔

انہوں نے کہا کہ پاکستان میں کورونا کیسز19ہیں اور شاید تھوڑی دیرمیں 20 ہو جائیں جب کہ 25 مشتبہ کیسز ہیں، کراچی میں کورونا وائرس کے زیادہ کیسز ہیں۔

ڈاکٹرظفر مرزا نے کہا کہ پاکستان میں ایران، لندن، دبئی سےکورونا کیسز آئے ہیں، کورونا وائرس کے تمام مریض ایئرپورٹس کےذریعےپاکستان آئے تاہم اب تک ملک میں وائرس ایک شخص سے دوسرے شخص میں منتقل نہیں ہوا۔

معاون خصوصی کا کہنا تھا کہ یہ کہنا غلط ہے کہ متاثرہ مریض اسکریننگ سسٹم سے سلپ ہوئے، بیرون ملک سے آنے والوں کی اسکریننگ کی جاتی ہے اور اب تک مجموعی طور پر ایئرپورٹس پر 88 ہزار افراد کی چیکنگ کی گئی۔

fb-share-icon0
Tweet 20

Comments

comments

یہ بھی پڑھیں