The news is by your side.

Advertisement

کراچی : سرکاری افسر کے اغواء کے معاملے میں اہم پیش رفت

کراچی : ٹیپو سلطان تھانے کی حدود سے بلوچستان کے افسر کے مبینہ اغواء کا معاملہ مشکوک نکلا تاہم مزید تفتیش جاری ہے۔

اس حوالے سے ایس ایس پی ایسٹ قمرجسکانی نے میڈیا کو بتایا کہ افسر کے اغوا کا واقعہ مشکوک لگتا ہے، اسلم ترین ٹیپو سلطان کے گیسٹ ہاؤس میں منتقل ہوئے تھے۔

ایس ایس پی ایسٹ کا کہنا ہے کہ اسلم ترین کسی معاشی پریشانی کا بھی شکار تھے، گزشتہ روز وہ نماز پڑھنے کیلئے گھر سے نکلے تھے۔

انہوں نے بتایا کہ مسجد کیلئے نکلتے وقت اسلم ترین اپنا موبائل فون اور پرس بھی گھر پر چھوڑ گئے تھے۔ تحقیقات کیلئے کئی مقامات کی بھی سی سی ٹی وی ریکارڈنگ چیک کی گئی ہے۔

قمر جسکانی نے بتایا کہ تفتیشی ٹیم اس کیس پر کام کر رہی ہے، بظاہر یہ اغواء کا معاملہ نہیں لگ رہا، پولیس ہر زاویئے سے کیس کی تفتیش کررہی ہے۔

Comments

یہ بھی پڑھیں