تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

افغانستان: سرکاری اہل کاروں‌کے لیے بھی عام معافی کا اعلان

کابل: طالبان نے سرکاری اہل کاروں کے لیے بھی عام معافی کا اعلان کر دیا ہے۔

تفصیلات کے مطابق افغانستان میں سب کے لیے عام معافی کا اعلان کرتے ہوئے طالبان نے سرکاری اہل کاروں سے بھی کہا ہے کہ وہ کام پر واپس آ جائیں۔

طالبان نے کہا کہ وہ تمام افراد جو کسی بھی سرکاری شعبے سے منسلک ہیں اپنی ڈیوٹی مکمل اعتماد اور بلاخوف دوبارہ شروع کریں۔

اے ایف پی کے مطابق اقتدار پر کنٹرول حاصل کرنے کے دو دن بعد طالبان نے ایک بیان میں سرکاری اہل کاروں کو معمول کی زندگی کی جانب لوٹ آنے کا کہا ہے، طالبان کی جانب سے جاری کیے گئے بیان میں کہا گیا ہے کہ ہر ایک کے لیے عام معافی کا اعلان ہے، اس لیے آپ کو اعتماد کے ساتھ اپنی معمول کی زندگی شروع کر دینی چاہیے۔

رپورٹس کے مطابق کابل میں طالبان کے اعلان کے بعد شہریوں کا محتاط ردعمل سامنے آیا، آج کابل میں کچھ دکانیں کھلیں اور ٹریفک پولیس کے اہل کار بھی سڑکوں پر نظر آئے، کم تعداد میں لیکن خواتین بھی شہر کی گلیوں میں دیکھی گئیں۔

واضح رہے کہ عام معافی کے اعلان کے بعد ٹی وی چینل پر خواتین اینکرز بھی نظر آنے لگی ہیں، طالبان کی قیادت میں شامل ایک عہدے دار نے افغان نیوز چینل پر ایک خاتون اینکر کو انٹرویو بھی دیا۔

Comments

- Advertisement -