اسلام آباد: معاون خصوصی برائے صحت ڈاکٹر ظفرمرزا نے 464 ادویات کی قیمتوں میں کمی کروانے کا اعلان کر دیا.
تفصیلات کے مطابق معاون خصوصی برائے صحت کی جانب سے بڑا اعلان کیا گیا ہے. ڈاکٹر ظفر مرزا نے خصوصی پریس کانفرنس میں کہا کہ جن ادویہ ساز کمپنیوں نے 75 فی صد سے زیادہ قیمتیں بڑھائیں، وہ ہر صورت واپس ہوں گی.
انھوں نے کہا کہ بعض کمپنیوں نے تین سوپچانوے ادویات کی قیمتیں کم نہیں کیں، ان سے آٹھ ارب روپے کا ناجائزمنافع واپس لیں گے، ادویات کی قیمتیں کم کرائیں گے، ناجائزہ منافع کمانے والی کمپنیوں کو منافع واپس کرنا ہوگا.
مزید پڑھیں: وزارت صحت نے ادویات کی قیمتوں میں اضافےکی وجوہات بتا دیں
ان کا کہنا تھا کہ اس اقدام کے بعد ادویات کی قیمتوں میں واضح فرق نظر آئے گا، یہ تو نہیں کہا جاسکتا کہ پرانی قیمتیں واپس آجائیں گے، مگر بڑا فرق پڑے گا.
انھوں نے بتایا کہ ڈرگ کورٹس کےذریعہ ایک ایک دوائی کی قیمت متعین سطح پرلائیں گے، دوائیوں کےنئےاسٹاک نئی قیمتوں کے مطابق ہوں گے، قیمتیں کم ہونے سے آٹھ ارب کی بچت عوام کودی جائے گی۔
