خیبر: باڑہ بر قمبرخیل میں نامعلوم مسلح افراد نے فائرنگ کرکے سرکاری اسکول ٹیچر کو قتل کردیا، طلبا نے واقعےکے خلاف شدید احتجاج کیا۔
تفصیلات کے مطابق خیبر کے علاقے باڑہ بر قمبرخیل میں نامعلوم مسلح افراد نے فائرنگ کرکے سرکاری اسکول ٹیچر کو قتل کردیا۔
گورنمنٹ مڈل اسکول سرکہ کمر کے استاد روح الامین کو اسکول کے قریب مسلح افراد نے نشانہ بنایا اور فائرنگ کرکے شدید زخمی کردیا جبکہ ملزمان ان کی موٹرسائیکل بھی لے گئے۔
موقع پر موجود افراد نے زخمی ٹیچر کو اسپتال منتقل کیا لیکن وہ زخمی کی تاب نہ لاتے ہوئے دم توڑ گئے۔
مزید پڑھیں : ملتان : خاتون ٹیچر کا دن دیہاڑے قتل
طلبا نے سرکاری اسکول ٹیچر کے قتل کے واقعے کے خلاف شدید احتجاج کیا۔
یاد رہے ملتان میں خاتون ٹیچر کو دن دیہاڑے قتل کردیا گیا تھا، قاتل نے بچوں کے سامنے گولی چلائی اور فرار ہوگیا تھا۔
بعد ازاں خاتون ٹیچر کو قتل کرنے والے شخص عون کو گرفتار کرلیا گیا تھا، پولیس نے بتایا تھا قاتل محلے دار تھا، وہ شادی کرنا چاہتا تھا اور ٹیچر نے عون سے شادی کرنے سے انکار کردیا تھا۔
