The news is by your side.

Advertisement

لاہور ریلوے اسٹیشن پر جدید سرکاری پناہ گاہ، مسافروں کو گھر جیسی سہولیات میسر

لاہور : ریلوے اسٹیشن پر قائم سرکاری پناہ گاہ میں مسافروں کو گھر جیسا ماحول فراہم کیا جارہا ہے، مسافر سونے کیلئے بستر اور دو وقت کھانا ملنے پر سکھ کا سانس لے رہے ہیں۔

تفصیلات کے مطابق وزیراعظم پاکستان کے ویژن پر عمل کرتے ہوئے لاہور کر ریلوے اسٹیشن کے پاس سرکاری پناہ گاہ تعمیر کی گئی ہے جس میں بے گھر مسافروں رہنے کیلئے گھر جیسا ماحول، سونے کو بستر اور دو وقت کا کھانا فراہم کیا جاتا ہے۔

سرکاری پناہ گاہ میں تھکن سے چور مزدور چین کی نیند سوتے ہیں، اس کے علاوہ مسافروں کو بھی رات پلیٹ فام پر نہیں گزارنی پڑتی۔ سات رہائشی یونٹس پر مشتمل پناہ گاہ میں تمام سہولتیں موجود ہیں یہاں سحر و افطار کا بھی انتظام کیا جاتا ہے.

پناہ گاہ میں خواتین سمیت ایک سو چونسٹھ افراد کے لیے قیام و طعام کی سہولت میسر ہے، یہاں صرف شناختی کارڈ دکھا کر انٹری کرائی جاسکتی ہے، فٹ پاتھ پر رہنے والوں کو پناہ گاہ میں لانے کے لیے شٹل سروس بھی شروع کردی گئی ہے۔

سرکاری پناہ گاہ ایسے درجنوں لوگوں کا ٹھکانہ ہے ان میں سے کچھ مسافر تو اکثر وہ مزدور ہیں جو اس سے پہلے فٹ پاتھ پر رات بسر کرتے تھے۔

واضح رہے کہ گزشتہ دنوں وزیراعلیٰ پنجاب عثمان بزدار نے لاہور ریلوے اسٹیشن کے نزدیک مسافروں کیلئے بنائی گئی مستقل پناہ گاہ کا افتتاح کیا تھا۔ اس موقع پر وزیراعلیٰ پنجاب کو منصوبے کے بارے میں بریفنگ دی گئی.

سردار عثمان بزدار نے پناہ گاہ میں کمرے، کچن اور باتھ رومز کا معائنہ کیا اور ابتدائی طبی امداد کی فراہمی کا بھی جائزہ لے کر اطمینان کا اظہار کیا۔ وزیراعلیٰ پنجاب کا کہنا تھا کہ حکومت نے کھلے آسمان تلے سونے والے افراد کو چھت دی ہے یہ احسان نہیں بلکہ ان کا حق ہے۔

Comments

comments

یہ بھی پڑھیں