The news is by your side.

Advertisement

حکومت نے کلبھوشن یادیو کیلئے قانونی نمائندہ مقررکرنے کی  درخواست پر کارروائی رکوادی

اسلام آباد : حکومت نے بھارتی جاسوس کلبھوشن یادیو کیلئے قانونی نمائندہ مقرر کرنے کی  درخواست پر کارروائی رکوادی، حکومت نےآج ہی کلبھوشن کا قانونی نمائندہ مقرر کرنے کی درخواست دائر کی تھی۔

تفصیلات کے مطابق حکومت نے بھارتی جاسوس کلبھوشن یادیوکی سزا کے حوالے سے عالمی عدالت کے فیصلے پر عمل درآمد اور فیئرٹرائل کے تقاضے پورے کرنے کیلئے درخواست پر کارروائی رکوادی۔

اٹارنی جنرل آفس کی جانب سے کہا گیا کہ اسلام آباد ہائی کورٹ درخواست ابھی سماعت کے لیےمقرر نہ کرے، اس حوالےسے مشاورت کیلئے کیس کی سماعت بعد میں مقرر کی جائے۔

جس کے بعد رجسٹرار آفس ہائی کورٹ نے کیس التوامیں رکھ دیا ہے۔

یاد رہے حکومت نےآج ہی کلبھوشن کا قانونی نمائندہ مقرر کرنے کی درخواست دائر کی تھی، درخواست میں استدعا کی گئی تھی کہ عدالت اس حوالے سے حکم صادر کرے تاکہ عالمی عدالت انصاف کے فیصلے کے مطابق پاکستان کی ذمہ داری پوری ہو سکے۔

Comments

یہ بھی پڑھیں