وفاقی وزیر تعلیم شفقت محمود نے کہا ہے کہ کل وزیراعظم پاکستان یکساں تعلیمی نصاب کا اعلان کریں گے۔
اسلام آباد میں پریس کانفرنس کرتے ہوئے وزیرتعلیم نے کہا کہ پاکستان کی تاریخ میں پہلی بار یکساں تعلیمی نصاب لایاجارہاہے پہلی سے 5ویں جماعت میں کل سے یکساں تعلیمی نصاب لاگو ہو گا۔
انہوں نے کہا کہ ملک بھر کے اسکولوں میں یکساں تعلیمی نظام نافذہوگا، پنجاب،کےپی،جی بی،آزادکشمیرمیں اس کا نصاب ہوچکاہے تاہم سندھ نے ابھی تک فیصلہ نہیں کیا سندھ حکومت سے استدعا ہےقومی دھارےمیں شامل ہوجائے باقی تمام صوبےیکساں تعلیمی نظام میں شامل ہو رہے ہیں سندھ جاکروزیراعلیٰ سندھ اوروزیرتعلیم سےملاقات کروں گا۔
شفقت محمود نے کہا کہ موجودہ تعلیمی نصاب ایک ناانصافی پر مبنی ہے صرف چھوٹے طبقے کو آگے بڑھنے کے بےپناہ مواقع ملنا ناانصافی ہے یکساں تعلیمی نصاب پورے ملک کےلئے انقلاب ہوگا ہدف کو ذہن میں رکھ کر آگے بڑھ رہے ہیں اہداف کےلئے پرامید ہیں۔
ان کا کہنا تھا کہ سب اقلیتوں کے لیے ایک الگ نصاب تیار کیاگیا ہے یہ تعلیمی نظام تمام اسکولوں پر لاگو ہوگا، کورونا کی بیمارسےلےکرآج تک ہم نےتعلیم کیلئےاقدامات کیے تمام فیصلےمتفقہ طور پر کیے، امتحانات سے متعلق ہم پربہت دباؤتھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں