مری: گورنرہاؤس سیاحوں کے لیے کھول دیا گیا -
The news is by your side.

Advertisement

مری: گورنرہاؤس سیاحوں کے لیے کھول دیا گیا

مری: وزیرِ اعظم کی ہدایت پر سندھ کا گورنر ہاؤس عوام کے لیے کھولے جانے کے بعد گورنر ہاؤس مری بھی عوام کے لیے کھول دیا گیا۔

تفصیلات کے مطابق وزیرِ اعظم عمران خان کی ہدایت پر صوبوں کے گورنر ہاؤسز عوام کی تفریح کے لیے کھولے جا رہے ہیں، سندھ کے گورنر ہاؤس ہاؤس کے بعد گورنر ہاؤس مری بھی کھول دیا گیا ہے۔

کھولے جانے کے بعد مری گورنر ہاؤس میں وزیٹرز کی بڑ ی تعداد میں آمد و رفت شروع ہو گئی ہے، گورنر ہاؤس کے مختلف مقامات پر آنے والوں نے سیلفیاں بنائیں۔

مری کا گورنر ہاؤس گورنر پنجاب چوہدری محمد سرور کے حکم پر کھولا گیا، انھوں نے خود بھی اس موقع پر گورنر ہاؤس کا دورہ کیا اور مختلف احکامات جاری کیے۔

گورنر پنجاب چوہدری محمد سرور نے بتایا کہ گورنرہاؤس مری عوام کے لیے صبح 10 بجے سے شام 6 بجے تک کھلا رہے گا۔


یہ بھی پڑھیں:  پنجاب اور خیبر پختونخوا کے گورنر ہاؤسز بھی عوام کے لیے کھولے جائیں، وزیرِ اعظم


خیال رہے کہ وزیرِ اعظم عمران خان نے گزشتہ روز دارالحکومت میں پارٹی وزرا کے ایک اہم اجلاس کی صدارت کرتے ہوئے ہدایت کی تھی کہ پنجاب اور خیبر پختونخوا کے گورنر ہاؤسز بھی عوام کے لیے کھولے جائیں۔

وزیرِ اعظم کی ہدایت پر سب سے پہلے سندھ کے گورنر عمران اسماعیل نے گورنر ہاؤس سندھ کو عوام کے لیے کھولا تھا، جہاں عوام کی بڑی تعداد نے پہنچ کر سیلفیاں بنائیں، خیال رہے کہ شہری اپنا شناختی کارڈ دکھا کر گورنر ہاؤس میں داخل ہوسکتے ہیں۔

Comments

comments

یہ بھی پڑھیں