The news is by your side.

Advertisement

گورنر پنجاب نے کرونا ریسکیو ہیلپ لائن کا افتتاح کردیا

لاہور: گورنر پنجاب چوہدری سرور نے کرونا ریسکیو ہیلپ لائن کا افتتاح کردیا، ریسکیو 1122 ہیڈ کوارٹر میں 1190 کرونا ہیلپ لائن بنائی گئی ہے۔

تفصیلات کے مطابق گورنر پنجاب نے کرونا ریسکیو ہیلپ لائن کا افتتاح کردیا، افتتاحی تقریب میں ڈی جی ریسکیو ڈاکٹر رضوان نصیر ودیگر نے شرکت کی، کرونا وائرس سے آگاہی کے لیے 24 گھنٹے 30 سے زائد آپریٹرز موجود ہوں گے۔

گورنر پنجاب کا کہنا تھا کہ کرونا ٹیسٹ کی ضرورت پر فوری رہنمائی کی جائے گی، کرونا وائرس سے بچاؤ کے لیے سخت انتظامات سے گریز نہیں کیا جائے گا۔

چوہدری سرور نے کہا کہ کرونا سے آگاہی کے لیے 24 گھنٹے کام کرنے کی ضرورت ہے، عوام کی جان کا تحفظ ہر صورت یقینی بنائیں گے۔

مزید پڑھیں: گورنر پنجاب کا کرونا سے متاثرہ افراد کے لیے بڑا اعلان

انہوں نے کہا کہ کرونا وائرس سے بچاؤ کے لیے پورے ملک کو یکجہتی کا مظاہرہ کرنا ہوگا، بڑے نقصان سے بچنے کا واحد حل حفاظتی تدابیر پرعمل کرنا ہے۔

دوسری جانب وزیراعلیٰ پنجاب عثمان بزدار کا کہنا تھا کہ پنجاب میں کرونا وائرس کے مریضوں کی تعداد 136 ہے، کرونا کے 106 مریضوں کا تعلق ڈی جی خان سے ہے، لاہور میں 20، ملتان 4، راولپنڈی میں ایک کرونا مریض زیرعلاج ہے۔

واضح رہے کہ اس سے قبل گورنر پنجاب چوہدری سرور کا کہنا تھا کہ کرونا ٹیلی میڈیسن سے مریضوں کا آن لائن چیک اپ کیا جارہا ہے، کرونا سے متاثرہ افراد کو راشن اور دیگر سہولیات فراہم کریں گے۔

fb-share-icon0
Tweet 20

Comments

comments

یہ بھی پڑھیں