The news is by your side.

Advertisement

‘عمران خان حالات سے سمجھوتہ کر نیوالے نہیں ، جو کہتے ہیں کرکے دکھاتے ہیں’

لاہور : گورنر پنجاب چوہدری سرور کا کہنا ہے کہ ملکی ترقی کی راہ میں اپوزیشن کی رکاوٹوں کامنصوبہ ملکی مفادمیں نہیں، عمران خان حالات سے سمجھوتہ کر نیوالے نہیں،سب جانتے ہیں وزیر اعظم عمران خان جو کہتے ہیں کرکے دکھاتے ہیں۔

تفصیلات کے مطابق گورنر پنجاب چوہدری سرور سے قومی اسمبلی مجلس قائمہ خزانہ کے چیئرمین فیض اللہ کموکا کی ملاقات ہوئی ، چوہدری محمد سرور نے کہا اپوزیشن اے سے لیکر زیڈ تک جتنے مرضی پلان بنالے، فر ق نہیں پڑتا ، پی ڈی ایم کے پہلے تمام منصوبے ناکام ہوچکے، آئندہ فیل ہوں گے، پی ڈی ایم جماعتیں کبھی ایک پیج پرآئی ہیں اورنہ ہی آئندہ آئیں گی۔

گورنرپنجاب کا کہنا تھا کہ ترقی کی راہ میں اپوزیشن کی رکاوٹوں کامنصوبہ ملکی مفادمیں نہیں، عمران خان حالات سے سمجھوتہ کر نیوالےنہیں، ڈٹ جانے والے ہیں، سب جانتے ہیں وزیر اعظم عمران خان جو کہتے ہیں کرکے دکھاتےہیں۔

پی ڈی ایم کے حوالے سے چوہدری سرور نے کہا حکومت اوراتحادی متحدہیں مگر پی ڈی ایم میں درجن بھرمؤقف ہیں، ملک میں احتساب کوبریک لگےگانہ ہی حکومت اپنے مؤقف سے پیچھے ہٹے گی، سیاسی مخالفین کے پاس نظریہ اور اصول نہیں ،پی ڈی ایم عارضی اتحاد ہے۔

ان کا کہنا تھا کہ حکومت اپوزیشن کےاحتجاج اور لانگ مارچ کی دھمکیوں سےخوفزدہ نہیں، وزیر اعظم عمران خان ملک کو درست سمت میں لیکر جارہے ہیں۔

فیض اللہ کموکا کا کہنا تھا کہ پہلی بار عام آدمی کی ترقی اور خوشحالی کے لیے کام ہورہا ہے، اپوزیشن کا انتشار اور فساد پر مبنی ایجنڈا ناکام ہوگا۔

Comments

یہ بھی پڑھیں