The news is by your side.

Advertisement

‘ایف اے ٹی ایف کے لیے قانون سازی حکومت کی بڑی کامیابی ہے’

لاہور : گورنرپنجاب چوہدری سرور کا کہنا ہے کہ آئینی مدت پوری ہونے سے 1 منٹ بھی پہلے حکومت جانیوالی نہیں، ایف اے ٹی ایف کے لیے قانون سازی حکومت کی بڑی کامیابی ہے۔

تفصیلات کے مطابق گورنرپنجاب چوہدری سرور سے وفاقی وزیرداخلہ اعجاز شاہ کی ملاقات ہوئی ، ملاقات میں سیاسی،حکومتی امورسمیت دیگرایشوزپربات چیت کی گئی۔

چوہدری دسرور نے کہا کہ پارلیمنٹ میں ناکام ہونیوالی اپوزیشن اب باہربھی ناکام ہوگی ، آئینی مدت پوری ہونے سے 1 منٹ بھی پہلے حکومت جانیوالی نہیں، ایف اے ٹی ایف کیلئے قانون سازی میں رکاوٹ ڈالنے والے ایکسپوز ہوچکے ہیں۔

گورنر پنجاب کا کہنا تھا کہ کسی اےپی سی سےحکومت کو خطر ہ ہےاورنہ ہی کوئی دباؤ، وزیراعظم صرف ملک وقوم کے مفاد کی بات کرتے ہیں، اپوزیشن جماعتوں کے اپنے اپنے سیاسی مفادات ہیں۔

انھوں نے مزید کہا کہ احتساب ملک وقوم کی ترقی،خوشحالی کے لیے لازم ہوچکا ہے، انتخابات2023میں ہی ہوں گے ، مخالفین کوبھی انتظارکرناہوگا، ایف اے ٹی ایف کے لیے قانون سازی حکومت کی بڑی کامیابی ہے۔

وفاقی وزیراعجازشاہ کا کہنا تھا کہ حکومت ملک میں شفافیت اوربلاتفر یق احتساب کویقینی بنارہی ہے، پہلی بارملکی اداروں میں اصلاحات ہورہی ہیں، عوام نےہمیں 5سال حکومت کرنےکا مینڈ یٹ دیاہے۔

Comments

یہ بھی پڑھیں