The news is by your side.

Advertisement

‘حکومت پار لیمنٹ کےاندر اور باہرکسی دباؤمیں آنیوالی نہیں’

لاہور : گورنر پنجاب چوہدری سرور نے وفاقی وزیردفاع پرویزخٹک سے ملاقات میں کہا کہ ایف اے ٹی ایف قوانین پر اپوزیشن کا رویہ ملکی مفاد میں نہیں، حکومت پار لیمنٹ کےاندر اور باہرکسی دباؤمیں آنیوالی نہیں۔

تفصیلات کے مطابق گورنر پنجاب چوہدری سرور سے وفاقی وزیردفاع پرویزخٹک کی ملاقات ہوئی ، ملاقات میں چوہدری سرور نے کہا کہ حکومت پار لیمنٹ کےاندر اور باہرکسی دباؤمیں آنیوالی نہیں، عمران خان کا کوئی ذاتی ایجنڈا نہیں ملکی ترقی ان کا مشن ہے۔

گورنر پنجاب کا کہنا تھا کہ ایف اے ٹی ایف قوانین پر اپوزیشن کا رویہ ملکی مفاد میں نہیں، سیاسی مخالفین ذاتی اور سیاسی نہیں قومی مفادات کو ترجیح دیں، اپوزیشن پار لیمنٹ کےاندراورباہرمثبت کرداراداکرے۔

انھوں نے کہا کہ ایف اے ٹی ایف میں بھارتی منصوبے کو ناکام بنائیں گے، آئین وقانون کی حکمرانی حکومت کی اولین تر جیح ہے، کچھ لوگوں کو ملک کاکامیابی سے آگے بڑھنا ہضم نہیں ہورہا، ملک کوعدم استحکام کا شکار کر نیوالوں کو کامیاب نہیں ہونے دیں گے۔

وزیردفاع پرویز خٹک کا کہنا تھا کہ تحر یک انصاف کی حکومت ملک کوترقی یافتہ اورخوشحال بنارہی ہے، وزیراعظم عمران خان ہمیشہ سے اصولوں کی سیاست کر تے ہیں، ملک کومعاشی سمیت دیگرمسائل سےنجات دلائیں گے۔

Comments

یہ بھی پڑھیں