لاہور : گورنر پنجاب چوہدری سرور کا کہنا ہے کہ سینیٹ الیکشن جیسےبھی ہوں حکومت اور اتحادی اپوزیشن کوسرپرائز دیں گے، آئندہ چیئرمین سینیٹ بھی تحریک انصاف اور اتحادیوں کاہی ہوگا۔
تفصیلات کے مطابق گورنر پنجاب چوہدری سرور نے اپنے بیان میں کہا ہے کہ پی ڈی ایم کا مشن احتساب اورملکی ترقی کوبریک لگواناہے، اگراحتساب بند ہوجائے تو اپوزیشن کےمارچ،احتجاج بندہوجائیں گے ، عمران خان شفاف احتساب سےایک انچ بھی پیچھےنہیں ہٹیں گے۔
چوہدری سرور کا کہنا تھا کہ پہلی بارادارے مکمل آزادی کیساتھ کام کررہے ہیں، وزیراعظم ہرسطح پرکرپشن کاخاتمہ،اپوزیشن بچاؤچاہتی ہے۔
گورنر پنجاب نے کہا کہ اپوزیشن کواوپن ووٹنگ کی مخالفت نہیں سپورٹ کرنی چاہیے، سینیٹ الیکشن جیسےبھی ہوں حکومت اور اتحادی اپوزیشن کوسرپرائز دیں گے، آئندہ چیئرمین سینیٹ بھی تحریک انصاف اور اتحادیوں کاہی ہوگا۔
ان کا کہنا تھا کہ کسی بھی معاملےمیں شفافیت،میرٹ اپوزیشن کوپسندنہیں آئے گی ، ہرمحاذپرناکامی کےبعدپی ڈی ایم کوسمجھ نہیں آرہی کہ وہ اب کیاکرے، (ق)لیگ سمیت تمام اتحادی حکومت کےساتھ متحدکھڑےہیں۔
چوہدری سرور نے مزید کہا کہ دشمن عناصرپاکستان کوعدم استحکام کاشکارکرنےکی سازشیں کررہےہیں، وزیراعظم اصولی اورنظریاتی سیاست کررہےہیں، حکومت شفاف احتساب کےاصولی مؤقف پرآج بھی قائم ہے۔
