The news is by your side.

Advertisement

جب تک وزیر اعظم کا حکم ہوگا عثمان بزدار کام کرتے رہیں گے: گورنر پنجاب

لاہور: گورنر پنجاب چوہدری سرور کا کہنا ہے کہ وزیر اعلیٰ پنجاب عثمان بزدار کو اسمبلی کا اعتماد حاصل ہے، جب تک وزیر اعظم کا حکم ہوگا عثمان بزدار کام کرتے رہیں گے۔

تفصیلات کے مطابق گورنر پنجاب چوہدری سرور نے میڈیا سے گفتگو کرتے ہوئے کہا کہ چوہدری برادران ہمارے بھائی جیسے ہیں۔ پارلیمانی پارٹیاں ہی اپنی لیڈر شپ سے سوال کرتی ہیں۔

گورنر پنجاب کا کہنا تھا کہ نواز شریف علاج کے لیے چلے گئے ہیں، چاہتے ہیں نواز شریف صحتیاب ہو کر وطن لوٹیں۔ نواز شریف کو میڈیکل بورڈ کی سفارش پر عدالت نےاجازت دی۔

انہوں نے کہا کہ وزیر اعلیٰ پنجاب عثمان بزدار کو اسمبلی کا اعتماد حاصل ہے، وہ بڑی محنت کر رہے ہیں۔ جب تک وزیر اعظم کا حکم ہوگا عثمان بزدار کام کرتے رہیں گے۔

گورنر پنجاب کا مزید کہنا تھا کہ احتساب سب کے لیے ہونا چاہیئے، نیب چیئرمین واضح کہتے ہیں کہ سب کا احتساب ہوگا۔ عمران خان کہتے ہیں کرپشن کرنے والوں سے سمجھوتہ نہیں ہوگا۔ وزیر اعظم کا بھی یہی حکم ہے غلط کام پر احتساب ہونا چاہیئے۔

اس سے قبل ایک موقع پر گورنر پنجاب نے کہا تھا کہ حکومت عوام کی فلاح و بہبود اور ان کے دیرینہ مسائل کے حل کے لیے دن رات کوشاں ہے۔ وزیر اعظم عمران خان کے وژن کے مطابق تعلیم، صحت اور پینے کے صاف پانی کی فراہمی ہماری ترجیحات میں شامل ہے۔

انہوں نے کہا تھا کہ حکومت سابقہ حکمرانوں کے چھوڑے گئے پہاڑ جیسے مسائل کے باوجود درست سمت میں گامزن ہے اوراس کی پالیسیوں کے مثبت نتائج سامنے آنا شروع ہو گئے ہیں اور یہی اپوزیشن جماعتوں کی بے چینی کی اصل وجہ ہے۔

fb-share-icon0
Tweet 20

Comments

comments

یہ بھی پڑھیں