The news is by your side.

Advertisement

گورنر پنجاب سمیت دیگر سیاسی رہنماؤں کا علامہ اقبال کو خراج عقیدت

لاہور: گورنر پنجاب چوہدری محمد سرور سمیت دیگر سیاسی رہنماؤں نے مفکر اسلام اور شاعر مشرق علامہ محمد اقبالؒ کے یوم پیدائش کے موقع پر ان کو بھرپور خراج عقیدت پیش کیا۔

تفصیلات کے مطابق گورنر پنجاب سمیت دیگر سیاسی رہنماؤں نے بھی الگ الگ پیغامات میں علامہ محمد اقبال کے افکار پر عملدرآمد کے عزم کا اظہار کیا ہے تاکہ اقوام عالم میں بلند مقام حاصل کیا جاسکے۔

گورنر پنجاب چوہدری محمد سرور نے یوم اقبال پر اپنے پیغام میں کہا کہ ہم وہ پاکستان تشکیل دے رہے ہیں جس کا خواب علامہ اقبال نے دیکھا تھا۔

اسد قیصر

اسپیکر قومی اسمبلی اسد قیصر نے یوم اقبال پر اپنے پیغام میں کہا کہ مسلم امہ کو درپیش مسائل کاحل اقبال کی تعلیمات میں مضمرہے، شاعر مشرق علامہ محمد اقبال مفکر پاکستان تھے، اقبال نے برصغیر کے مسلمانوں کے لیےعلیحدہ وطن کا تصور پیش کیا۔

قاسم خان سوری

ڈپٹی اسپیکر قومی اسمبلی قاسم خان نے سوری نے اپنے پیغام میں کہا کہ اقبال کے نزدیک تعصب وانتہاپسندی کی کوئی گنجائش نہیں ہے، علامہ اقبال کا تصورانسانیت کے ہر رنگ ونسل کی تر جمانی کرتا ہے، علامہ اقبال پرامن، اعتدال پسند اسلامی معاشرے کا قیام چاہتے تھے۔

فردوس عاشق اعوان

معاون خصوصی برائے اطلاعات ونشریات فردوس عاشق اعوان نے کہا کہ اقبال کے یوم ولادت پرقوم انہیں خراج عقیدت پیش کرتی ہے، اقبال کا آفاقی کلام اور تصورات ہمارے لیے مشعل راہ ہیں۔

فردوس عاشق اعوان نے کہا کہ اقبال کی سوچ مسلمانان برصغیرکو سامراجیت سے نجات کی روشن امید ثابت ہوئی، جس کا تصور اقبال نے دیکھا تھا وزیراعظم وہی ریاست بنانے کاعزم رکھتے ہیں۔

انہوں نے مزید کہا کہ پاکستان اقلیتوں کے حقوق کی ضامن، احترام کرنے والی ریاست ہے، گردوارہ کرتارپور اور راہداری کا افتتاح رواداری اوراحترام انسانیت کی مثال ہے۔

ڈاکٹرعلامہ محمد اقبالؒ کا142واں یوم ولادت آج منایا جارہا ہے

واضح رہے کہ نوجوانوں کو خودی کا درس دینے والے مصور پاکستان اورعظیم شاعر حضرت علامہ محمد اقبالؒ کا ایک سو بیالیسواں یوم ولادت آج منایا جارہا ہے۔

Comments

comments

یہ بھی پڑھیں