گورنر پنجاب نے علامہ اقبال ؒ کے شعرکا حلیہ ہی بگاڑدیا -
The news is by your side.

Advertisement

گورنر پنجاب نے علامہ اقبال ؒ کے شعرکا حلیہ ہی بگاڑدیا

فیصل آباد : گورنر پنجاب رفیق رجوانہ نے بھی شعر کی ٹانگ توڑ دی۔ ایک تقریب میں وہ علامہ اقبالؒ کا مشہورشعر ہی بھول گئے، شہبازشریف اور قائم علی شاہ بھی اس فن میں ماہرہیں، اس سے قبل وزیراعلیٰ پنجاب اور وزیراعلیٰ سندھ بھی شاعری کے ساتھ دو دو ہاتھ کر چکے ہیں۔

تفصیلات کے مطابق فیصل آباد گورنمنٹ کالج یونیورسٹی کے کنووکیشن کی تقریب میں گورنر پنجاب رفیق رجوانہ کو شعر کہنے کی سوجھی لیکن وہ اس میں کامیاب نہ ہو سکے۔

گورنر پنجاب اپنی تقریر کے دوران علامہ اقبالؒ کا بہت مشہور شعر ہی بھول گئے کہ اصل شعر تھا کیا؟ کبھی زمین تو کبھی مٹی کو ذرخیز کہتے رہے۔

یاد رہے کہ چند ماہ قبل اسی شعر کے ساتھ یہی سلوک وزیراعلیٰ پنجاب میاں شہباز شریف نے بھی ماڈل ٹاؤن میں ایک تقریب سے خطاب کے دوران کیا تھا۔

اس کے علاوہ سابق وزیراعلیٰ سندھ سید قائم علی شاہ بھی شعر کے معاملے پر خاصے بھلکڑ واقع ہوئے ہیں، سیاستدانوں کی شعر و شاعری سے یہ چھیڑخانی اکثر سننے والوں کے چہروں پر مسکراہٹیں بھی بکھیردیتی ہے۔

Comments

comments

یہ بھی پڑھیں