The news is by your side.

Advertisement

کامیاب سکھ سیاحت کے بعد پنجاب میں بدھ سیاحت کا اعلان

لاہور: پنجاب حکومت نے صوبے میں کامیاب سکھ سیاحت کے بعد بدھ مت سیاحت کا بھی اعلان کر دیا ہے۔

تفصیلات کے مطابق لاہور میں میڈیا سے گفتگو کرتے ہوئے چوہدری محمد سرور نے کہا کہ فرانس اور جرمنی کے سفیروں سے ملاقات ہوئی ہے، دیگر ممالک سمجھتے ہیں پاکستان میں سرمایہ کاری ہونی چاہیے۔

چوہدری محمد سرور نے کہا کہ ہم نے کرتار پور کوریڈور کھولا ہے، ایک سال پہلے مذہبی سیاحت کی بات کی تھی، آج سکھ سیاحت کو فروغ دیا جا رہا ہے، اگلے سال بدھ مت سیاحت شروع کریں گے، پھر ہندو اور مسیحی سیاحت کو بھی فروغ دیا جائے گا۔ انہوں نے کہا کہ اسلامی ثقافتی ورثہ بھی پاکستان میں بہت ہے۔

گورنر پنجاب چوہدری محمد سرور نے کہا کہ فروغ نسیم آج نواز شریف کے ایشو پر پریس کانفرنس کر رہے ہیں، مناسب نہیں ہے اس معاملے پر اس پر بات کروں۔

اس سے قبل 9 نومبر کو کرتارپور راہداری کی افتتاحی تقریب سے خطاب کرتے ہوئے وزیراعظم عمران خان کا کہنا تھا کہ راہداری کھولنے کی مجھے بہت خوشی ہوئی، اندازہ نہیں تھا کرتارپورکی سکھ کمیونٹی میں کیا اہمیت تھی، کرتارپور سے متعلق ایک سال پہلے پتہ چلا اس کی کیا اہمیت ہے۔

کوریا کے بدھ مت پیروکاروں کی ہری پور آمد، کشمیریوں کے لیے خصوصی دعا

یاد رہے کہ گزشتہ ماہ کوریا سے آئے ہوئے بدھ مت پیروکاروں کے ایک گروپ نے ضلع ہری پور میں سیاحت کے دوران کشمیریوں کی آزادی کے لیے خصوصی دعا کی تھی۔

fb-share-icon0
Tweet 20

Comments

comments

یہ بھی پڑھیں