انڈسٹری کو فروغ دے کر بے روزگاری کا خاتمہ کیا جاسکتا ہے: گورنرپنجاب
The news is by your side.

Advertisement

انڈسٹری کو فروغ دے کر بے روزگاری کا خاتمہ کیا جاسکتا ہے: گورنرپنجاب

ساہیوال: گورنر پنجاب چوہدری سرور نے کہا ہے کہ ملک میں انڈسٹری کو فروغ دے کر بےروزگاری کا خاتمہ کیا جاسکتا ہے، انڈسٹری کو پیروں پر کھڑا کرنا ہے۔

ان خیالات کا اظہار انہوں نے ساہیوال میں چیمبر آف کامرس میں خطاب کرتے ہوئے کیا، چوہدری سرور کا کہنا تھا کہ دنیا میں میڈیم اور اسمال انڈسٹری روزگار فراہم کرتی ہے۔

انہوں نے کہا کہ انڈسٹری کو فروغ دے کر بے روزگاری کا خاتمہ ممکن بنایا جاسکتا ہے، بر آمدات اور در آمدات میں وسیع فرق سے انڈسٹری تباہ ہوئی۔

چوہدری سرور کا ہراتوار کوگورنرہاؤس عوام کے لئے کھولنے کااعلان

گورنر پنجاب کا کہنا تھا کہ ملک میں مسائل ہیں جس کا خاتمہ کریں گے، انڈسٹری کو پیروں پر کھڑا کرنے کی اشد ضرورت ہے۔

ان کا مزید کہنا تھا کہ بہتر معاشی پالیسی کے لیے بزنس کمیونٹی کی سفارشات پر عمل کریں گے۔

خیال رہے کہ دو روز قبل ایک پریس کانفرنس کرتے ہوئے چوہدری سرور نے کہا تھا کہ پاکستان اشرافیہ کے لئے نہیں20 کروڑ عوام کے لیے بنایا گیا ہے۔

انہوں نے یہ بھی کہا تھا کہ ناانصافی کے خلاف جہاد جاری رہے گا، احتساب پٹواری یا سپاہی کے بجائے اوپر کی سطح سے شروع ہوگا، عوام کو صاف پانی، صحت سمیت بنیادی سہولتیں فراہم کریں گے، گورنرہاؤس کے بجائے اپنے گھر میں ہی رہنے کاارادہ ہے۔

Comments

comments

یہ بھی پڑھیں