گورنر پنجاب عمر سرفراز چیمہ نے کہا ہے کہ پی ٹی آئی کا کوئی ممبر میڈیا یا کسی ادارے کیخلاف بات نہیں کرسکتا، انڈین لابی ہمارے اداروں کیخلاف پروپیگنڈا کررہی ہے۔
اے آر وائی نیوز کے مطابق گورنر پنجاب عمر سرفراز چیمہ نے گورنمنٹ کالج یونیورسٹی لاہور کا دورہ کیا اس موقع پر انہوں نے مختلف شعبہ جات کا دورہ بھی کیا۔
دورے کے موقع پر گورنر پنجاب عمر سرفراز چیمہ نے میڈیا سے گفتگو کرتے ہوئے کہا کہ تحریک انصاف والوں نےمیڈیا کی آزادی کیلیے ڈنڈے کھائے ہیں، ہم نےعدلیہ، آئین وقانون کی بالادستی کیلئے ڈنڈے کھائے ہیں۔
گورنر نے کہا کہ پی ٹی آئی کا کوئی ممبر میڈیا یا کسی ادارے کیخلاف بات نہیں کرسکتا، جو اداروں کیخلاف پروپیگنڈاہورہاہےاس میں پی ٹی آئی شامل نہیں بلکہ انڈین لابی ہمارے اداروں کیخلاف پروپیگنڈا کررہی ہے۔
ان کا مزید کہنا تھا کہ عمران خان لوٹ مارکرنے نہیں بلکہ قومی مفاد کا تحفظ کرنے کیلیے اقتدار میں آئے تھے، فخر سے کہتا ہوں کہ میرا لیڈر4 سال اقتدار میں رہا اور ایک روپیہ کرپشن نہیں کی۔
