The news is by your side.

Advertisement

اتحاد بنتے رہتے ہیں، سنجیدہ نہیں لیتے: گورنر پنجاب چوہدری سرور

لاہور: گورنر پنجاب چوہدری محمد سرور نے کہا ہے کہ اپوزیشن کی جانب سے اتحاد بنتے رہتے ہیں انھیں ہم سنجیدہ نہیں لیتے۔

تفصیلات کے مطابق گورنر پنجاب چوہدری سرور نے پریس کانفرنس کرتے ہوئے کہا کہ اپوزیشن کی میٹنگ کے بعد بیانات میں کہا گیا کہ وہ الگ الگ احتجاج کریں گے۔

انھوں نے کہا کہ اتحاد بنتے رہتے ہیں، اپوزیشن کو سنجیدہ نہیں لیتے، یہ ٹھیک ہے کہ مہنگائی میں اضافہ ہوا اور دیگر چیلنجز کا سامنا بھی ہے، لیکن جتنے چیلنجز کا سامنا ہے وہ ہماری نہیں گزشتہ حکومتوں کے باعث ہیں۔

گورنر پنجاب کا کہنا تھا کہ گیلپ سروے سے ظاہر ہے عوام عمران خان پر اعتماد کرتے ہیں، عمران خان 5 سال حکومت کریں گے۔

یہ بھی پڑھیں:  وفاقی وزیر سردارعلی محمدمہر حرکت قلب بند ہونے پر انتقال کرگئے

دریں اثنا گورنر پنجاب نے وفاقی وزیر سردار علی محمد مہر کے اچانک انتقال پر دکھ کا اظہار کیا اور دعا کہ اللہ تعالیٰ انھیں جنت میں جگہ عطا فرمائے اور ان کے لواحقین کو صبر دے۔

پریس کانفرنس کے موقع پر چوہدری محمد سرور کے ہم راہ معروف شاعر امجد اسلام امجد اور سکھ رہنما بھی موجود تھے۔

گورنر پنجاب کا کہنا تھا کہ دنیا میں سب سے بڑی انڈسٹری سیاحت کی ہے، سکھ برادری کو ویزے سے متعلق سہولتیں دینی ہیں، وزیر اعظم نے کرتارپور راہداری کھولنے کا ایک بڑا فیصلہ کیا، راہداری کو کھولنے پر دنیا بھر کے سکھوں نے سراہا۔

Comments

comments

یہ بھی پڑھیں