The news is by your side.

Advertisement

گورنرسندھ نے معیشت کو مضبوط قرار دے دیا

کراچی: گورنر سندھ عمران اسماعیل نے معیشت کو مضبوط قرار دیتے ہوئے کہا ہے کہ روپے کی قدر میں کمی کا کوئی خدشہ نہیں ہے۔

تفصیلات کے مطابق گورنر سندھ عمران اسماعیل نے میڈیا سے گفتگو کرتے ہوئے کہا کہ معیشت کی بہتری کا دعویٰ ورلڈ بینک، مالیاتی ادارے کررہے ہیں، ورلڈ بینک نے 2028 کی سرفہرست معیشتوں میں پاکستان کو شمار کیا ہے۔

کے فور کا بننا ناگزیر ہے ورنہ کراچی کو پانی نہیں مل سکے گا

عمران اسماعیل گورنر سندھ

انہوں نے کہا کہ جو منصوبے سابقہ حکومت کررہی تھی وہ ریلیز کی جارہی ہے، سابقہ حکومتوں کی طرح پرانے منصوبے نہیں روکے ہیں۔

انہوں نے کہا کہ پارلیمانی نمائندوں اور ماہرین سے بھی مشاورت کی گئی ہے، تمام اتحادی جماعتوں کی مشاورت سے فنڈز استعمال ہوں گے۔

عمران اسماعیل نے کہا کہ کل اسلام آباد میں کے فور پر اجلاس ہے، کے فور کا بننا ناگزیر ہے ورنہ کراچی کو پانی نہیں مل سکے گا،  کے فور کے اوریجنل ڈیزائن میں تکنیکی خامیاں تھیں جو اب دور کرلی گئی ہیں۔

گورنر سندھ نے کہا کہ کے فور سے متعلق وزیراعظم نے منظوری دے دی ہے اب فنڈنگ کا طریقہ کار طے ہوگا، کراچی کی وسیع آبادی کے پیش نظر اسمارٹ سٹی بننا ضروری ہے۔

گورنر سندھ کے مطابق ملک میں 8 سال میں اتنی غیرملکی سرمایہ کاری نہیں ہوئی جتنی اب ہورہی ہے، پاکستانی کی رینکنگ کاروباری آسانی میں بہتر ہوئی ہے۔

fb-share-icon0
Tweet 20

Comments

comments

یہ بھی پڑھیں