site
stats
سندھ

گورنر سندھ کو سانس لینے میں دشواری کا سامنا ہے، ڈاکٹرز

کراچی: گورنر سندھ سعید الزماں صدیقی کو ڈاکٹروں نے معائنے کے بعد مزید کچھ دن  اسپتال میں رکھنے کا فیصلہ کیا ہے، ڈاکٹروں کا کہنا ہے گورنرسندھ کو سانس لینے میں دشواری کا سامنا ہے۔

تفصیلات کے مطابق کلفٹن کے نجی اسپتال میں گزشتہ چار روز سے داخل گورنرسندھ سعید الزماں صدیقی کی طبیعت میں بہتری نہ آسکی، ڈاکٹروں نے تفصیلی معائنے کے بعد گورنر سندھ کو مزیدکچھ دن اسپتال میں رکھنے کا فیصلہ کیا۔

جمعرات کو ڈاکٹروں کی دو رکنی ٹیم نے  گورنر سندھ سعید الزماں صدیقی کا معائنہ کیا، ٹیم کا کہنا ہے کہ گورنر سندھ کو سانس لینے میں دشواری ہو رہی ہے، معائنے کے بعد میڈیکل بورڈ نے رپورٹس کا جائزہ لینے کے بعد گورنر سندھ کو  مزید اسپتال میں رکھنے کا فیصلہ کیا۔


پڑھیں: ’’ گورنرسندھ کی طبیعت میں بہتری ، آئی سی یو سے روم منتقل ‘‘


ڈاکٹرز کا کہنا ہے کہ گورنر سندھ کی حالت میں بہتری آئی ہے تاہم عمر رسیدہ ہونے کے باعث قوتِ مدافعت کمزور ہونے کے باعث سانس لینے میں دشواری کا سامنا کرنا پڑ رہا ہے۔
خیال رہے گورنر سندھ سعید الزماں صدیقی نے گیارہ نومبر کو گورنرسندھ کا حلف اٹھایا تھا ۔چودہ نومبر کو انہیں طبعیت خراب ہونے پر اسپتال کے  انتہائی نگہداشت کی وارڈ میں داخل کروایا گیا تھا تاہم گزشتہ روز مختلف ٹیسٹوں کی رپورٹس آنے کے بعد گورنر سندھ کو روم میں شفٹ کردیا گیا ہے۔
Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top