The news is by your side.

Advertisement

اعتراف کرتا ہوں کراچی کو نظر انداز کیا جارہا ہے، گورنر سندھ

کراچی : گورنر سندھ عمران اسماعیل نے اعتراف کیا کہ کراچی کو نظر انداز کیا جارہا ہے ، انڈسٹری انفراسٹرکچر،پانی،گیس کےمسائل کاحل میرےبس میں نہیں ، سندھ حکومت مسائل حل کریں۔

تفصیلات کے مطابق گورنر سندھ عمران اسماعیل نے سائٹ ایسوسی ایشن میں خطاب کرتے ہوئے کہا سائٹ ایسوسی ایشن اور کراچی چیمبر میرا اپنا گھر ہے، پاکستان میں آسان کاروبار کی فہرست میں 28نمبربہتری ہوئی ، وزیر اعظم کا بھی وژن ہے برآمدات بڑھائی جائیں۔

گورنرسندھ کا کہنا تھا کہ سندھ حکومت کراچی کی سڑکیں اورانفراسٹرکچر ٹھیک کرے، یہاں یہ بھی مسئلہ ہے جوپیسہ لگاتا ہے پوچھاجاتاہےپیسہ کہاں سےآیا، اعتراف کرتا ہوں کراچی کو نظر انداز کیا جارہا ہے۔

عمران اسماعیل نے کہا کہ کراچی کا سب سے بڑا مسئلہ بے تحاشااتھارٹیز کا قیام ہے ، ہزاروں کی طرح اتھارٹیز کام کررہی ہے ، کراچی سے صرف کچرا اٹھانا ایک سائنس ہے،انڈسٹری انفراسٹرکچر، پانی، گیس کے مسائل کا حل میرے بس میں نہیں، یہ تمام معاملات 18ویں ترمیم کے بعد صوبائی حکومت کے پاس ہے۔

مزید پڑھیں : ہم مرجائیں گے لیکن کسی کے سامنے جھکیں گے نہیں، گورنر سندھ عمران اسماعیل

ان کا مزید کہنا تھا کہ وزیراعلیٰ سندھ سے گزارش ہےصنعتکاروں کودرپیش مسائل حل کریں، کوشش ہے ملک کی برآمدات میں زیادہ سےزیادہ اضافہ کیا جائے ، کرپشن کا خاتمہ ہماری حکومت کا ایجنڈاہے ، کسی صورت کرپشن پر سمجھوتہ نہیں کریں گے۔

یاد رہے چند روز قبل عمران اسماعیل کا کہنا تھا کہ اس ملک میں دو نظام نہیں چل سکتے، امیر کیلئے الگ اور غریب کیلئے الگ نظام نہیں ہوسکتا، ہم مر جائیں گے لیکن کسی کے سامنے جھکیں گے نہیں، جو چور ہے وہ امیر ہے یا غریب قانون سب کیلئے ایک ہوگا۔

fb-share-icon0
Tweet 20

Comments

comments

یہ بھی پڑھیں