The news is by your side.

Advertisement

گورنرسندھ عمران اسمعیل کا شاہانہ پروٹوکول

سکھر: تحریک انصاف کے رہنمااور گورنرسندھ عمران اسمعیل وزیر اعظم کی ہدایات بھلا کربھاری بھرکم پروٹوکول کے ہمراہ سفر کرنے لگے۔

تفصیلات کے مطابق گورنرسندھ عمران اسمعیل جب آج سکھر پہنچے تھے تو ان کے ساتھ پورا لاؤ لشکر موجود تھا، گننے پر معلوم ہوا کہ دو تین نہیں بلکہ پوری اکیس گاڑیاں ان کے قافلے میں شامل تھیں۔

پروٹوکول کے معاملے میں گورنر سندھ عمران اسمعیل نے ملک کے وزیراعظم عمران خان کو بھی مات دے دی ہے، ان کے پروٹوکول میں عموماً پانچ گاڑیاں ہوتی ہیں۔

گورنرسندھ کے سکھر پہنچنے پروہاں کےغریب عوام حیرت سے اس قافلے کو تک رہے تھے کہ یہ کیسی تبدیلی ہے۔

یاد رہے کہ رواں سال انتخابات کے بعد تحریک انصاف نے حکومت بنائی تو پارٹی چیئرمین عمران خان نے احکامات صادر کیے کہ بھاری بھرکم پروٹوکول نہیں رکھے جائیں گے کہ اس سے عوام کو پریشانی ہوتی ہے۔

Comments

comments

یہ بھی پڑھیں