The news is by your side.

Advertisement

گرین لائن منصوبہ، گورنر سندھ کی کراچی کے لیے بڑی خوشخبری

کراچی: گورنرسندھ عمران اسماعیل نے نمائش کے مقام پر گرین لائن منصوبے کا دورہ کیا، جہاں انھوں نے کراچی کے لیے اہم اعلانات کیے۔

تفصیلات کے مطابق اس موقع پر گورنر سندھ کو گرین لائن منصوبے پر کے آئی سی ایل نے بریفنگ دی.

گورنر سندھ نے کہا کہ منصوبے کا معیار، بر وقت تکمیل میں سب نے حصہ لیا، ستمبر میں وزیر اعظم تمام منصوبوں کا افتتاح کریں گے، 6 ماہ میں تمام منصوبےکی تکمیل ہو جائے گی.

گورنرسندھ نے مزید کہا کہ کے فورپر بھی اب وزیراعظم کو صبح بریفنگ دی جائے گی، کے آئی سی ایل کی فارمولیشن پروزیراعظم منظوری دیں گے، اربوں کے منصوبےکی کابینہ سے منظوری کے بعد اعلان ہوگا.

عمران اسماعیل کا کہنا تھا کہ گرین بسیں 100 فیصد وفاقی حکومت خود فراہم کرے گی، ورلڈ بینک بھی اس منصوبے میں شامل ہے نیا پروپوزل جلد دیں گے، آنے والے وقت میں خوشخبریاں ہیں، کراچی میں بہتری ہوگی.

گورنرسندھ کا کہنا تھا کہ وزیر اعظم گھوٹکی میں بھی بڑے پیکیج کا اعلان کریں گے، سندھ کے 5 اضلاع ہیلتھ کارڈ میں کام کیا جارہا ہے.

خیال رہے کہ وزیراعظم عمران خان نے سندھ کی اپوزیشن جماعتوں کا مشترکہ اجلاس30مارچ کو گھوٹکی میں طلب کیا ہے، وزیر اعظم29 مارچ کو کراچی پہنچیں گے۔

وزیر اعظم عمران خان دورہ سندھ میں کراچی میں اہم اجلاس کی صدارت کریں گے، وزیر اعظم کو کراچی میں ترقیاتی پیکج کے تحت جاری منصوبوں پر بریفنگ دی جائے گی اور کراچی کے لیے زیرغور منصوبوں سے آگاہ کیا جائے گا۔

Comments

comments

یہ بھی پڑھیں