The news is by your side.

Advertisement

سوشل میڈیا پر گردش کرتی ویڈیو والی خاتون میری بہن نہیں: گورنر سندھ

کراچی: گورنرسندھ عمران اسماعیل نے سوشل میڈیا پر گردش کرنے والی ویڈیو سے متعلق الزامات کی تردید کر دی ہے۔

تفصیلات کے مطابق گورنر سندھ نے کہا ہے کہ ویڈیو میں موجود سگنل توڑنے والی خاتون میری بہن نہیں، میں ان کو جانتا تک نہیں، بغیر تحقیقات اور ثبوت الزامات لگانا شرم ناک ہے۔

عمران اسماعیل نے کہا کہ قانون کو بغیر یہ دیکھے کہ کون ہے اپنا کام کرنا چاہیے۔

خیال رہے کہ ویڈیو میں خاتون کو سگنل توڑنے کے بعد پولیس اہل کار سے بد تمیزی کرتے دیکھا جا سکتا ہے، یہ واقعہ ڈیفنس خیابان شہباز میں پیش آیا تھا جس میں خاتون نے سگنل توڑا اور پھر ٹریفک پولیس اہل کار پر رعب ڈالتے ہوئے بدتمیزی بھی کی۔

یہ بھی پڑھیں:  کراچی میں خاتون کی ٹریفک پولیس اہلکار سے بدتمیزی، مقدمہ درج

تاہم بعد ازاں اے آر وائی نیوز کی خبر پر واقعے کا مقدمہ تھانہ درخشاں میں کار سرکار میں مداخلت کے تحت درج کیا گیا۔ معلوم ہوا تھا کہ ٹریفک پولیس اہل کار کی جانب سے روکے جانے پر خاتون شرمندہ ہونے اور اہل کار سے تعاون کرنے کی بہ جائے کسی سے فون پر بات کرتی رہی اور مسلسل اس پر با اثر ہونے کا رعب جھاڑتی رہی۔

ٹریفک پولیس اہل کار کا کہنا تھا کہ خاتون نے میری ایک نہ سنی اور مجھے مختلف القاب سے پکارتے ہوئے موقع سے فرار ہو گئیں۔

fb-share-icon0
Tweet 20

Comments

comments

یہ بھی پڑھیں