The news is by your side.

Advertisement

ستمبر میں وزیراعظم کراچی میں 5 منصوبوں کا افتتاح کریں گے، عمران اسماعیل

کراچی: گورنر سندھ عمران اسماعیل نے کہا ہے کہ ستمبر میں وزیراعظم عمران خان کراچی میں 5 منصوبوں کا افتتاح کریں گے۔

تفصیلات کے مطابق گورنر سندھ عمران اسماعیل نے کراچی میں پریس کانفرنس کرتے ہوئے کہا کہ 33 ملین کے منصوبے ہیں، 31 نئے پراجیکٹ ہیں، ساڑھے تین سو کے قریب منصوبے ختم کیے گئے ہیں، سندھ کے صرف 10 فیصد منصوبے ختم ہوئے، وزیراعظم ستمبر میں 5 منصوبوں کا افتتاح کریں گے۔

گورنر سندھ نے کہا کہ تین اسپتال عدالت کے فیصلے کے تحت سندھ سے وفاق کو گئے ہیں، تینوں اسپتالوں کو وفاق بہتر انداز میں چلائے گا، گیس رائلٹی کی مد میں 10 سال میں 78 ارب ملے وہ کہاں گئے۔

مزید پڑھیں: گورنر سندھ نے پولیس ریفارمز ایکٹ اعتراضات لگا کر مسترد کردیا

عمران اسماعیل نے کہا کہ ایڈز کے خاتمے سے متعلق وفاق تعاون کرے گا، این ایف سی کے لیے وفاقی حکومت کی جانب دیکھنا ہوتا ہے۔

انہوں نے کہا کہ رواں سال گرین لائن بس میں آپ سفر کرسکیں گے، سو نئی بسیں وفاق کراچی میں چلانا چاہتا ہے۔

گورنر سندھ نے کہا کہ پولیس ایکٹ میں سندھ حکومت نے 80 ایکٹ ختم کردئیے، نئے پولیس آرڈر میں آئی جی کا کردار پوسٹ مین کا ہے، ایسا نہیں ہے جو بل آٗے گا منظور کردوں گا، جیلوں کے بارے میں نئے قوانین کا بل منظور کرلیا۔

عمران اسماعیل نے کہا کہ وفاقی کسی ایک صوبے کے خلاف کام نہیں کررہا ہے، اسپتالوں میں کرپشن کی نیب سے انکوائری کرائیں گے۔

Comments

comments

یہ بھی پڑھیں