کراچی: گورنر سندھ عمران اسماعیل نے کہا ہے کہ تھر میں غریب عوام کو ہیلتھ کارڈ کا اجراء کردیا گیا ہے۔
تفصیالت کے مطابق گورنر سندھ عمران اسماعیل سے تھر کی معروف سیاسی و سماجی شخصیت نے ملاقات کی اس موقع پر تھر میں شروع کیے جانے والے ترقیاتی منصوبوں پر تبادلہ خیال کیا گیا، ملاقات میں فوڈ ایکسپورٹ انڈسٹری کو فروغ دینے پر بھی بات چیت کی گئی۔
[bs-quote quote=”ہیلتھ کارڈ کے اجرا سے تھر کے عوام کے احساس محرومی ختم ہوگا” style=”style-8″ align=”left” author_name=”گورنر سندھ” author_job=”عمران اسماعیل”][/bs-quote]
گورنر سندھ عمران اسماعیل نے کہا کہ فوڈ ایکسپورٹ انڈسٹری کے فروغ سے روزگار میں اضافہ ہوگا، تھر میں غریب عوام کو ہیلتھ کارڈ کا اجرا کردیا گیا ہے۔
انہوں نے کہا کہ ہیلتھ کارڈ کے اجرا سے تھر کے عوام کے احساس محرومی ختم ہوگا۔
علاوہ ازیں گورنر سندھ کا کہنا تھا کہ حیدرآباد میں یونیورسٹی بن کر رہے گی، علم کا کوئی مذہب قومیت نہیں ہوتی۔
واضح رہے کہ تھر میں غذائی قلت کئی برسوں سے بچوں کی مسلسل اموات کا سبب بنی ہوئی ہے اور اب تک درجنوں بچے خوراک کی کمیابی کے سبب اس جہاں سے کوچ کرچکے ہیں اور اب بھی یہ سلسلہ سروں پر منڈلا رہا ہے۔
خیال رہے کہ چند روز قبل بھی تھر میں غذائی قلت اور مختلف بیماریوں کا شکار ہوکر معصوم بچے دم توڑ گئے ہیں۔