The news is by your side.

Advertisement

نواز شریف سیر سپاٹوں کے بجائے وطن واپس آکر مقدمات کا سامنا کریں، گورنر سندھ

کراچی : گورنر سندھ عمران اسماعیل نے کہا ہے کہ نواز شریف علاج کے بہانے لندن کی گلیوں میں گھومنے کے بجائے وطن واپس آکر مقدمات کا سامنا کریں، مولانا فضل الرحمان کے سارے پلان فیل ہوگئے، بہت جلد پلان زیڈ بھی آجائے گا۔

ان خیالات کا اظہار انہوں نے سابق وفاقی وزیر جام معشوق علی کی برسی کی تقریب کے موقع پر میڈیا سے گفتگو کرتے ہوئے کیا۔

عمران اسماعیل نے کہا کہ نواز شریف لندن کے بازاروں اور گلیوں میں جس طرح رٹیل تھراپی کرا رہے ہیں اس سے ان کا وقار گر رہا ہے، میاں نواز شریف بیماری کی وجہ بتا کر لندن گئے ہیں مگر لندن کے بازاروں اور گلیوں میں ان کی تصاویر اور وڈیوز دیکھ کر بہت افسوس ہو رہا ہے۔

انہوں نے کہا کہ ان کے ایسے اعمال دیکھ کر ان پر اندھا عقیدہ رکھنے والے ن لیگی ووٹرز کو بھی افسوس ہو رہا ہوگا۔

ایک سوال کے جواب میں ان کا کہنا تھا کہ مولانا فضل الرحمان کے پلان اے اور بی کا سلسلہ اب پلان ڈی اور ایچ میں داخل ہوچکا ہے اور بہت جلد ان کا پلان زیڈ بھی آجائے گا۔

میڈیا سے گفتگو کرتے ہوئے گورنر سندھ نے کہا کہ حیدرآباد یونیورسٹی کے معاملے میں کچھ قانونی مسائل تھے جو اب حل کر لئے گئے ہیں، اگلے ایک ماہ میں اس کا پی سی و ن تیار کرلیا جائے گا، یونیورسٹی کے قیام کے حوالے سے بھرپور طریقے سے کام ہو رہا ہے۔

fb-share-icon0
Tweet 20

Comments

comments

یہ بھی پڑھیں