The news is by your side.

Advertisement

ڈینگی سے کراچی میں ایک اور مریض جاں بحق، گورنر سندھ کا انسداد کے لیے اہم اقدام

مولاناصاحب اپنی ڈیمانڈ بدلیں گے تو بات ہوسکتی ہے

کراچی : گورنر سندھ عمران اسماعیل نے انسداد ڈینگی مہم کا افتتاح کردیا اور کہا  لیبارٹریز میں ڈینگی ٹیسٹ کی قیمت1600ہوتی ہےیہاں فری ہوگا، عوام اس سے فائدہ اٹھائیں ۔

تفصیلات کے مطابق گورنرسندھ عمران اسماعیل نے کراچی میں انسداد ڈینگی مہم کا افتتاح کردیا ، اس موقع پر میڈیا سے گفتگو میں کہا شہر بھر میں ڈینگی سے بچاؤ کےلیے اسپرےہوگا ، ڈینگی کے کیمپس ٹیسٹ کے لئے لگائے جارہے ہیں۔

گورنرسندھ کا کہنا تھا کہ پاکستان میں کام کرنیوالی کمپنیاں قدم بڑھارہی ہیں، لیبارٹریز میں ڈینگی ٹیسٹ کی قیمت1600ہوتی ہےیہاں فری ہوگا، یہ عوام کے لئے بہترین موقع ہے اس سے فائدہ اٹھائیں ، میں نے درخواست کی ہے 2 ڈینگی کیمپ دھرنےمیں بھی لگادیں۔

مولانا مارچ کے حوالے سے عمران اسماعیل نے کہا کہ مولانا فضل الرحمان کو خود اندازا نہیں وہ کیا کر رہے ہیں، وزیراعظم کے استعفے کے حوالے سے کوئی بات نہیں ہوسکتی، مولانا صاحب اپنی ڈیمانڈ بدلیں گے تو بات ہوسکتی ہے ، ان کی خواہش پر کوئی ڈیمانڈ پوری نہیں ہوسکتی ہے۔

کراچی میں ٹڈی دل حملے سے متعلق ان کا کہنا تھا ٹڈی دل قدرتی آفت ہے، سندھ حکومت کو مسئلے کو حل کریں، پیپلزپارٹی آصف زرداری کی صحت سے متعلق قانونی راستہ اپنائے۔

دوسری جانب ڈینگی سرویلنس سیل/سندھ کے مطابق ناظم آباد کا رہائشی ڈینگی کے باعث نجی اسپتال میں دم توڑ گیا ، جس کے بعد رواں برس ڈینگی کے باعث اموات کی تعداد 31ہوگئی ہے ، رواں سال سندھ بھر میں ڈینگی کے11784 کیس رپورٹ ہوئے۔

fb-share-icon0
Tweet 20

Comments

comments

یہ بھی پڑھیں