site
stats
سندھ

ادارہ برائے امراض قلب کو فعال و مستحکم کیا جائے، ڈاکٹرعشرت العباد

کراچی : گورنر سندھ ڈاکٹر عشرت العباد خان نے کہا ہے کہ کراچی میٹرو پولیٹن کارپوریشن کے تحت فعال ادارہ برائے امراض قلب کراچی ایک نیک مقصد کے لئے قائم کیا گیا ۔

یہ غریب افرادکے علاج معالجے کا ادارہ ہے اس کی مالی حالت بہتر بنانے کے لئے مستقل فنڈز کی فراہمی کے ساتھ ساتھ گورنر صوابدیدی فنڈز سے ادارے کی بھرپور مالی سپورٹ کی جائے گی ۔

ضرورت پڑنے پر میں خود بھی مخیر حضرات سے رابطہ کروں گا یہ ایک نیک کام ہے جس میں مخیر حضرات سمیت ہر فرد بڑھ چڑھ کر حصہ لے گا ۔

انہوں نے ہدایت دی ہے کہ ادارے میں بائیو میٹرک نظام لگایا جائے ادارے میں انتظامی ،سیکورٹی اور ویجیلنس نظام کوفعال و مستحکم کیا جائے ادارے میں تمام مسائل کی انکوائری کرائی جائے، تاکہ علاج معالجے کی سہولتیں بہتر انداز میں لوگوں تک پہنچ سکیں۔

مضبوط سیکورٹی کے لئے ضرورت پڑنے پر فرنٹئر کور کی خدمات بھی حاصل کی جائیں اورادارے میں مطلوب تمام چیزوں کا پیکج بنا یاجائے ۔گورنر ڈاکٹر عشرت العباد خان نے متعلقہ حکام کو ادارے کو درکار ڈاکٹرز فوری فراہم کرنے کی ہدایت دیتے ہوئے کہا کہ موجودہ انتظامیہ کی کارکردگی کے باعث ادارے میں بہتری آرہی ہے لیکن انتظامیہ کو ا دارے کے استحکام کے لئے مزید بہتر کام کرنا ہونگے

وہ گورنر ہاؤس میں ادارہ برائے امراض قلب کراچی سے متعلق اعلیٰ سطحی اجلاس کی صدارت کررہے تھے ۔ اجلاس میں پرنسپل سیکریٹری محمد حسین سید ، میونسپل کمشنر سمیع الدین صدیقی، سینئر ڈائریکٹر میڈیکل سروسز کے ایم سی ڈاکٹر سلمیٰ ، کراچی انسٹی ٹیوٹ آف ہارٹ ڈیسیز کے ایسو سی ایٹ پروفیسر ڈاکٹر رشید سمیت دیگر اراکین بھی شریک تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top