site
stats
پاکستان

کراچی آپریشن ہر صورت جاری رہے گا، گورنر سندھ

کراچی : گورنر سندھ ڈاکٹر عشرت العباد خان نے کہا ہے کہ کراچی آپریشن ہر صورت جاری رہے گا، اس بارے میں جو تاثر پیدا ہو رہا ہے وہ غلط ہے۔

گورنر ہاؤس میں مختلف مکاتب فکر سے تعلق رکھنے والے علماء کرام کے اجلاس سے خطاب کرتے ہوئے گورنر سندھ کا کہنا تھا کہ حکومت سندھ نے آپریشن کو اون کیا سب سے زیادہ اپیکس کمیٹی کے اجلاس صوبہ سندھ میں منعقد ہوئے۔

انہوں نے کہا کہ آپریشن اورنیشنل ایکشن پلان پر عملدرآمد جاری رہے گا ، حکومت اور پوری قوم سیکیورٹی فورسز کے پیچھے سیسہ پلائی دیوار کی طرح کھڑی ہے، انہوں نے کہا کوئی بھی نہیں چاہتا ہے کہ صوبے اور شہر مین امن و امان متاثر ہو۔

گورنر سندھ نے کہا کہ امن و امان کے قیام میں فورسز نے جانوں کا نذرانہ پیش کیا، اس سے واپسی کا راستہ ہرگز نہیں ہے۔

اس سے پہلے گورنرسندھ عشرت العباد سے ڈی جی رینجرزسندھ میجر جنرل بلال اکبر نے ملاقات کی ، اس ملاقات میں کراچی کی امن وامان کی صورتحال پرتبادلہ خیال کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top