The news is by your side.

Advertisement

کے الیکٹرک کی اوور بلنگ، گورنر سندھ نے تحقیقات کے لیے نیپرا کو خط لکھ دیا

کراچی: گورنر سندھ عمران اسماعیل نے کے الیکٹرک کی بڑھتی ہوئی اضافی بلنگ کی شکایات کے بعد نپیرا سے تحقیقات کا مطالبہ کردیا۔

نمائندہ اے آر وائی نیوز کے مطابق کراچی میں اووربلنگ  کی بڑھتی شکایات کے پیش نظر گورنر ہاؤس کی جانب سے چیئرمین نیپر کو خط ارسال کیا گیا۔

خط میں کہا گیا ہے کہ کے الیکٹرک  کے حوالے شہریوں کی متعدد شکایات موصول ہوئی ہیں، عام عادمی کیلئے بجلی کا بل ایک  ڈراؤنے خواب کی طرح ہوگیا ہے۔

خط میں لکھا گیا ہے کہ کے الیکٹرک لوگوں کو ریلیف دینے کے بجائے لوگوں سے ادائیگی کا مطالبہ کرتی ہے،گھریلو صارفین  کے علاوہ صنعتی اور کمرشل صارفین نے بھی اوور بلنگ کے حوالے سے شکایات درج کرائی ہے۔

مزید پڑھیں: کے الیکٹرک کے خلاف احتجاج، کیبل آپریٹرز نے نشریات پھر بند کردیں

گورنر ہاؤس کی جانب سے نیپرا چیئرمین کو بھیجے جانے والے خط میں کہا گیا ہے کہ کے الیکٹرک کے خلاف موصول ہونے والی تمام شکایات کی تحقیقات کی اشد ضرورت ہے، اوور بلنگ کی شکایتوں کے معاملے پر کے الیکٹرک کا آڈٹ کیا جائے۔

خط میں کہا گیا ہے کہ اوور بلنگ کے حوالے سے جس صارف کی شکایت جائز ہو اُسے اضافی وصول کیے جانے والے پیسے واپس کیے جائیں۔ خط میں کہا گیا ہے کہ چیئرمین نیپرا موجودہ صورت حال کو مدنظر رکھتے ہوئے فوری احکامات جاری کرے۔

fb-share-icon0
Tweet 20

Comments

comments

یہ بھی پڑھیں