The news is by your side.

Advertisement

پاکستانی فلم انڈسٹری کی بحالی کے لیے ہر ممکن تعاون کریں گے، گورنر سندھ

کراچی: گورنر سندھ عمران اسماعیل نے پاکستانی فلم انڈسٹری کی بحالی کے لیے ہر ممکن تعاون کی یقین دہانی کرا دی۔

اے آر وائی نیوز کے مطابق گورنرسندھ عمران اسماعیل سے پاکستان فلم  پروڈیوسرز ایسوسی ایشن کے وفدنے ملاقات کی جس میں فلم کے شعبے کی ترقی و فروغ اور جدید ٹیکنالوجی کے استعمال پر گفتگو کی گئی۔

ملاقات میں وفاقی حکومت کی مدد، اقدامات سمیت اہمیت کےحامل دیگر امور پر تفصیلی تبادلہ خیال  کیا گیا۔ پرڈیوسرز ایسوسی ایشن نے گورنر سندھ سے درخواست کی کہ فلمی شعبے کو باقاعدہ صنعت کا درجہ کیا جائے۔ وفد نے فلمیں بنانے کے لیے پروڈیوسز کو آسان شرائط پر قرض دینے اور بڑے پروجیکٹس مین سینیما ہالز کے قیام کی تجویز بھی پیش کی۔

وفد سے گفتگو کرتے ہوئے گورنر سندھ کا کہنا تھا کہ ’ ماضی میں پاکستانی فلموں نے دنیا بھر میں مقبولیت حاصل کی، ایک وقت ایسا تھا کہ ناظرین کو پاکستانی فلموں کا بڑی بے چینی سے انتظار رہتاتھا، ہم  چاہتےہیں کہ ایک بار پھر پاکستانی فلمیں اپنا کھویا ہوا مقام حاصل کریں‘۔

مزید پڑھیں: پاکستانی فلم انڈسٹری کی بحالی، وزیراعظم نے اصولی منظوری دے دی

اُن کا کہنا تھا کہ ’فلم کے شعبہ کی بحالی کےلئے ہر ممکن مدد اور تعاون فراہم کریں گے کیونکہ حکومت  عوام کیلئےتفریحی مواقع  یقینی بنانےکےلئے پُرعزم ہے‘۔

عمران اسماعیل کا کہنا تھا کہ ’فلموں کی کامیابی کے لئے اچھی اور معیاری کہانی سب سے زیادہ ضروری ہے، فلموں میں تفریح کے ساتھ معاشرے کی اصلاح کا پہلو رکھنا بھی بہت ضروری ہے‘۔

Comments

یہ بھی پڑھیں