تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

گورنر سندھ نے گوٹھوں کی ریگولرائزیشن کمیٹی پر اعتراض اٹھا دیا

کراچی: گورنر سندھ نے گوٹھوں کو ریگولرائز کرنے کے لیے بنائی گئی کمیٹی پر اعتراض اٹھا دیا، اور اس سلسلے میں وزیر اعلیٰ سندھ مراد علی شاہ کو ایک خط لکھ دیا ہے۔

تفصیلات کے مطابق کراچی کی زمینوں پر قبضہ کر کے بنائے گئے گوٹھوں کو ریگولرائز کرنے کے معاملے پر اے آر وائی نیوز کی خبر پر ایکشن لیتے ہوئے گورنر سندھ نے وزیر اعلیٰ مراد علی شاہ کو خط لکھ دیا ہے۔

خط میں کہا گیا ہے کہ گوٹھوں کو ریگولرائز کرنے کے لیے جو کمیٹی بنائی گئی اس میں تمام تر جماعتوں کا ہونا ضروری ہے، ایم کیو ایم اور جماعت اسلامی سمیت این جی اوز کو بھی اس پر تحفظات ہیں۔

گورنر سندھ کے وزیر اعلیٰ سندھ کو لکھے گئے خط میں کہا گیا ہے کہ زمینوں پر قبضے سے متعلق بدعنوانی کے دروازے بند کرنے کی ضرورت ہے، بلاول بھٹو اور آصف زرداری کسی بھی قسم کی بدعنوانی یا زمینوں پر قبضے کے خلاف ہیں۔

انھوں نے لکھا کہ کمیٹی کا قیام شفاف طریقے سے ہونا چاہیے، جب کمیٹی پر تحفظات ہوں تو کیسے یہ معاملہ شفاف ہو سکتا ہے، ریگولرائزیشن کمیٹی کو ختم کر کے اس میں تمام اسٹیک ہولڈرز کو شامل کیا جائے۔

گورنر سندھ نے کہا کہ ماضی میں کچی آبادی، گوٹھ آباد کے قوانین دھوکا دہی، جعل سازی اور بدعنوانی کا ذریعہ رہے ہیں، یہ عمل نجی یا سرکاری زمین پر قبضہ کرنے کی ترغیب دیتا ہے، اور مستقبل میں ایسی زمین کو باقاعدہ ریگولرائز کر دیا جاتا ہے۔

Comments

- Advertisement -