site
stats
بزنس

بہتر رہائش کراچی کے شہریوں کا ایک بڑا مسئلہ ہے‘گورنر سندھ

کراچی: گورنر سندھ محمد زیبر سے چیئرمین آباد کی ملاقات ہوئی، تعمیراتی صنعت کی ترقی اوراسے درپیش مسائل اور کم قیمت مکانات کی تیاری پرتبادلہ خیال ہوا.

تفصیلات کے مطابق گورنر سندھ محمد زیبرسے آباد کے 13 رکنی وفد کی ملاقات ہوئی ، دوران ملاقات تعمیراتی صنعت کی ترقی اورمسائل اور کم قیمت مکانات کی تیاری پرتبادلہ خیال کیا گیا.

گورنرسندھ محمد زیبر نے کہا کہ ہاؤسنگ کراچی کے شہریوں کا ایک بڑا مسئلہ ہے، شہریوں کو رہائش کی دستیابی میں آباد کا کردار اہمیت کا حامل ہے.

چیئرمین آباد کا کہنا تھا کہ شہر میں کم لاگت مکان کی قیمت 15 سے 19 لاکھ ہوگی، جو متوسط طبقے کی قوت خرید سے باہر ہے۔

واضح رہے گذشتہ ماہ گورنر سندھ نے تاجروں کے وفد سے ملاقات کے دوران کہا تھا کہ کراچی منی پاکستان ہے، کراچی کی ترقی پورے ملک میں خوشحالی کا سبب بنتی ہے۔

یاد رہے گذشتہ ماہ ہی گورنر سندھ محمد زیبر نے کراچی انڈسٹریل فورم اور کراچی کے 7 صنعتی علاقوں کی ایسوسی ایشنز کے عہدیداروں سے ملاقات کے دوران کہا تھا کہ ملک کی مجموعی قومی پیداوار کو 7 فی صد سالانہ تک کرنے کے خواب کا حصول کراچی کی ترقی میں مضمر ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top