The news is by your side.

Advertisement

گورنر سندھ محمد زبیر نے اپنے عہدے سے استعفیٰ دے دیا

کراچی: گورنر سندھ محمد زبیر نے استعفیٰ دےدیا، استعفیٰ صدرکوبھجوا دیا گیا ہے۔

تفصیلات کے مطابق مسلم لیگ ن کے نامزد کردہ گورنر سندھ محمد زبیر اپنے عہدے سے مستعفی ہوگئے، اس موقع پر انھوں نے اپنے بیان میں کہا کہ میں نے آئینی طورپراپناکرداراداکیا۔

قبل ازیں آج سہ پہر یہ خبر آئی تھی کہ گورنر سندھ محمد زبیر عمر نے مستعفی ہونے کا فیصلہ کیا ہے  اور گورنر ہاؤس سے ذاتی سامان اپنے گھر منتقل کرنا شروع کردیا۔

ذرائع کا کہنا تھا کہ مبینہ طور پر گورنر سندھ انتخابی عمل پر مختلف سیاسی جماعتوں کی جانب سے اٹھائے جانے والے تحفظات پر دل برداشتہ ہیں۔

محمد زبیر سندھ کے بتیسویں گورنر تھے، انہوں نے 1 فروری 2017 کو اپنے عہدے کا حلف اٹھایا تھا۔ زبیر عمر نے اس عہدے پر ایک سال چار مہینے اور ۲۷ دن ذمے داری نبھائی۔

سابقہ گورنر سندھ جسٹس (ر) سعید الزماں صدیقی کے انتقال کے بعد محمد زبیر عمر کو گورنر سندھ تعینات کیا گیا تھا، اس سے قبل وہ چیئرمین نجکاری کمیشن کے عہدے پر بھی فائز رہے ہیں۔ زبیر عمرپاکستان تحریک انصاف کے مرکزی رہنما اسد عمر کے بڑے بھائی ہیں اور طویل عرصے سے مسلم لیگ ن سے وابستہ ہیں ۔


الیکشن کمیشن نے انتخابات 2018 کے مکمل نتائج جاری کر دیے


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں